Jeju

Na Galipedia, a Wikipedia en galego.
Jeju
Bandeira de Coats of arms of None.svg
Bandeira Escudo
Localización
Mapa de Corea do Sur coa provincia de Jeju resaltada
Datos
Capital Jeju
País Corea do Sur
Linguas
Poboación (2004) 560.000 hab.
Superficie 1.845´55 km²
Densidade 303 hab/km²
Concellos
Coordenadas 33°22′N 126°32′E / 33.367°N 126.533°E / 33.367; 126.533
Maior Altura


Este artigo amosa escritos xaponeses. Sen o soporte axeitado, o texto pode mostrar símbolos sen sentido, coma caixas, marcas e outros.


Jeju (Jeju-do en coreano) é a provincia máis pequena de Corea do Sur. O seu territorio coincide co da illa de maior tamaño do país, a illa de Jeju, e atópase no estreito de Corea, ao suroeste da provincia de Jeolla do Sur, da cal formou parte ata 1946. A súa capital é Jeju (en coreano, Jeju-se).

Nomes[editar | editar a fonte]

Ao longo da historia, a illa recibiu diferentes nomes, como:

  • Doi (島夷).
  • Dongyeongju (東瀛州).
  • Juho (州胡).
  • Tammora (耽牟羅).
  • Seopra (羅).
  • Takra (竣羅).
  • Tamra (耽羅).

Historia natural[editar | editar a fonte]

A illa de Jeju, coñecida antigamente en Occidente como illa de Quelpart, é unha illa volcánica, dominada polo monte Halla, un volcán extinguido de 1950 m de altura, que é o pico máis alto de Corea do Sur.


A illa formouse fai centos de millóns de anos, como consecuencia de erupciones volcánicas, e componse fundamentalmente de basalto e de lava. Ten un clima subtropical, máis cálido que o do resto de Corea, no que se distinguen catro estacións; parte do verán é chuviosa, e o inverno é moi seco.

Historia[editar | editar a fonte]

Fervenza en Jeju

Este territorio foi un país independente, coñecido como Tamna, ata o ano 662, no que pasou a formar parte do protectorado de Silla. En 938, logo da caída de Silla, Tamna convértese nun protectorado de Goryeo. En 1105, Tamna perde a súa autonomía, e convértese en provincia de Goryeo. O rei Euijong de Goryeo cambiou o nome da illa de Tamna por Jeju.

En 1271, Jeju foi a base da rebelión de Sambyeolcho contra os mongoles; Sambyeolcho foi derrotado en 1273, e Jeju non volveu ser parte de Goryeo ata 1367.

Cando Corea foi colonizada por Xapón en 1910, Jeju denominouse Saishu, que é a forma de ler en xaponés os carácteres hanja da palabra Jeju. Logo da derrota dos xaponeses, Jeju converteuse oficialmente en parte da nova República de Corea, formando parte da provincia de Jeolla do Sur ata 1946, en que se transformou nunha nova provincia.

No período entre o 3 de abril de 1948 e o 21 de setembro de 1954, estando o goberno de Corea do Sur baixo supervisión estadounidense, producíronse unha serie de revoltas, pola actuación do exército rebelde e a represión gobernamental, que deron lugar á morte de varias decenas de miles de persoas. Estes sucesos coñécense como a Insurrección de Jeju.

Sociedade e cultura[editar | editar a fonte]

Na illa de Jeju, existen características culturais que distinguen á súa poboación do resto de Corea, probablemente debidas ao illamento xeográfico. Así, existen miles de lendas locais. Os harubang ("avós de pedra") son o distintivo cultural máis claro; trátase de esculturas en bloques de lava.

Harubang
Paisaxe de Jeju
Lagos en cráteres en Jeju

Outro aspecto distintivo da provincia de Jeju é a estrutura matriarcal das familias, sobre todo en Udo e en Mara, aínda que tamén presente no resto da provincia. O mellor exemplo que se coñece é o das haenyo, (??, literalmente mulleres do mar), quen se gañan a vida mergullando a pulmón para pescar moluscos, como os abulones (familia Hallotidae, da clase Gasterópoda) e as cunchas (familia Strombidae), entre outros produtos.

División administrativa[editar | editar a fonte]

Jeju divídese en 2 cidades (Se ou Shi) e en 2 condados (Gun). Á súa vez, as dúas cidades divídense en 31 barrios (Dong) e os dous condados divídense en sete vilas (Eup) e en cinco distritos (Myeon). Ademais, as vilas e distritos están divididos en 551 pobos (Ri). A continuación, enuméranse os nomes en alfabeto latino, Hangul e Hanja.

Cidades[editar | editar a fonte]

  • Jeju 濟州市-a capital da provincia).
  • Seogwipo (西歸浦市).

Condados[editar | editar a fonte]

En 2005, os residentes de Jeju aprobaron por referendo unha proposta para unir todas estas entidades nunha soa, que sería directamente administrada polo goberno provincial, como parte do plan para crear a Cidade Internacional Libre de Jeju.

Símbolos[editar | editar a fonte]

Economía[editar | editar a fonte]

O orzamento para 2006 é de 1,11 billóns de dólares (1,11 trillóns de won), o que supón un 10% máis que o do ano anterior. Estímase que o produto interior bruto para 2006 será de 8,48 billóns de dólares (8,48 trillóns de won), cunha renda per cápita duns 15000 dólares.

Provincias irmandadas[editar | editar a fonte]

Jeju atópase hermanada con outras provincias insulares: