Javier Etcheverría de la Muela
| Biografía | |
|---|---|
| Nacemento | 29 de maio de 1933  (90 anos)A Coruña, España |
| Datos persoais | |
| País de nacionalidade | España |
| Educación | Universidade Complutense de Madrid |
| Actividade | |
| Ocupación | banqueiro |
| Lingua | Lingua castelá |
| Familia | |
| Pai | Domingo Etcheverría Naveyra |
Francisco Javier Etcheverría de la Muela, coñecido usualmente como Javier Etcheverría, nado na Coruña o 29 de maio de 1933, é un banqueiro galego.[1][2]
Traxectoria[editar | editar a fonte]
Fillo de Domingo Etcheverría Naveyra, que fora alcalde de Betanzos, licenciouse en dereito na Universidade Complutense de Madrid, exercendo como avogado antes de incorporarse en 1960 ao negocio familiar, o Banco Etcheverría, que fundara en 1877 o seu antepasado o vasco-francés Juan Etcheverry, de nacionalidade francesa, que se establecera en Betanzos e fundara unha fábrica de curtidos de pel, que chegou a ser unha das máis importantes de Galicia, e mais o banco.[2]
En 1964 o banco familiar transformouse en sociedade anónima. Os principais accionistas eran membros da familia Etcheverría: Domingo Etcheverría e os seus fillos, que contaban cun 60 % do seu capital inicial de 10 millóns de pesetas. Francisco Javier foi, sucesivamente, director xeral, vicepresidente e presidente do banco, que pasara a ter un capital social de máis de 500 millóns de pesetas nos anos 1990.[2]
En 2002 o Banco Etcheverría, presidido por Francisco Javier, e Caixa Galicia, chegaron a un acordo polo que a caixa adquiriu o 37,12 % do banco por 13,25 millóns de euros.[3]
En abril de 2013 o banco venezolano Banesco adquiriu o 44,73 % de Banco Etcheverría a NCG Banco, herdeiro dos activos financeiros de Caixa Galicia, así como parte da participación da familia Etcheverría. Desta maneira, o 69,74 % do capital social de Banco Etcheverría pasou a ser propiedade da entidade venezolana. Ademais, o presidente de Banesco, Juan Carlos Escotet, foi nomeado vicepresidente do consello de administración de Banco Etcheverría, quedando Francisco Javier Etcheverría como presidente.[4]
En abril de 2014, Banesco, vencedor da poxa de NCG Banco a través do Banco Etcheverría, anunciou que suprimiría a marca Novagalicia Banco cando se materializara a adquisición de NCG Banco e se substituiría por unha nova.[5]
O 26 de xuño de 2014, a nova marca Abanca foi presentada en Santiago de Compostela, con Fracisco Javier Etcheverría como presidente e Juan Carlos Escotet como vicepresidente.[6]
O empeño persoal de Francisco Javier Etrcheverría en que a sede social de Abanca se encontre en Betanzos responde ao seu desexo de vincular esta nova entidade coa exitosa e case tricentenaria banca familiar, que el presidiu durante décadas.
Cargos desempeñados[editar | editar a fonte]
Foi vogal do Consello Superior Bancario até a súa extinción, conselleiro da Asociación Española de Banca (AEB) e vogal do padroádego da Fundación de Estudos Bancarios.[2]
Desde a a data da fundación de Abanca,[6] até o 26 de xuño de 2017, Javier Etcheverría desempeñou o cargo de presidente o consello de administración desta entidade, sendo substituído polo seu vicepresidente e principal accionista Juan Carlos Escotet.[7][8]
Recoñecementos[editar | editar a fonte]
Foi nomeado fillo adoptivo de Betanzos o 26 de setembro de 2014.[9]
Notas[editar | editar a fonte]
- ↑ Javier Etcheverría Arquivado 16/02/2015, en Wayback Machine. Diario La Voz de Galicia, 10/09/2007.
- ↑ 2,0 2,1 2,2 2,3 "Tradición para un nuevo banco" Arquivado 02 de abril de 2015 en Wayback Machine. en AusbancRevista.com.
- ↑ "Caixa Galicia adquiere el 37% del Banco Etcheverría por 13,25 millones"
- ↑ ""Banco Etcheverría ganó 641.000 euros en 2012, un 82,6% menos"". Arquivado dende o orixinal o 06 de xuño de 2013. Consultado o 11 de marzo de 2015.
- ↑ "Banesco suprimirá la marca Novagalicia" Arquivado 29 de novembro de 2014 en Wayback Machine. finanzasdigital.com 9/4/2014
- ↑ 6,0 6,1 "Nace Abanca, «un banco para Galicia»" ABC, 26/6/2014 (en castelán).
- ↑ Escotet asume todo el peso en Abanca al convertirse en su nuevo presidente La Voz de Galicia, 27/06/2017.
- ↑ Juan Carlos Escotet, nuevo presidente de ABANCA Abanca Comunicación.
- ↑ "Javier Etcheverría, el buen banquero" Arquivado 02 de abril de 2015 en Wayback Machine. El Correo Gallego, 25/09/2014.