Jannick Buyla
| Jannick Buyla | |||
|---|---|---|---|
| Información persoal | |||
| Nome | Jannick Buyla Sam | ||
| Nacemento | 6 de outubro de 1998 | ||
| Lugar de nacemento | Zaragoza | ||
| Altura | 1,79 m. | ||
| Posición | Centrocampista | ||
| Información de club | |||
| Club actual | SD Logroñés | ||
| Número | 15 | ||
| Carreira xuvenil | |||
| 2003–2009 | Amistad | ||
| 2009–2010 | Oliver | ||
| 2010–2017 | Zaragoza | ||
| Carreira sénior | |||
| Anos | Equipos | Aprs | (Gls) |
| 2017–2020 | Deportivo Aragón | 49 | (4) |
| 2017–2018 | → Tudelano | 6 | (0) |
| 2019–2022 | Zaragoza | 9 | (0) |
| 2021 | → UCAM Murcia | 14 | (2) |
| 2021–2022 | → Gimnàstic | 25 | (1) |
| 2023 | Badajoz | 19 | (1) |
| 2023– | SD Logroñés | 3 | (0) |
| Selección nacional | |||
| 2019– | Guinea Ecuatorial | 17 | (1) |
| Na rede | |||
  | |||
|
Partidos e goles só en liga doméstica. Club: actualizado a 28 de novembro de 2023. Selección: actualizado a 28 de novembro de 2023.[ editar datos en Wikidata ] | |||
Jannick Buyla Sam, nado en Zaragoza o 6 de outubro de 1998, é un futbolista hispano-ecuatoguineano que xoga de centrocampista na SD Logroñés, da Primeira División RFEF. É internacional absoluto coa selección de Guinea Ecuatorial.
Traxectoria[editar | editar a fonte]
Formouse nas canteiras do Amistad e do Club Deportivo Oliver, antes de pasar polo equipo xuvenil do Real Zaragoza. Na tempada 2017/18 foi cedido ao Tudelano, co que debutou na Segunda División B. No mercado invernal volveu á disciplina zaragocista para se integrar no filial, o Deportivo Aragón, co que acabou descendendo á Terceira División.
Asentado na titularidade do filial, adestrador por Javier Garcés, na segunda parte da tempada 2018/19 foi convocado polo técnico do primeiro equipo, Víctor Fernández, que o fixo debutar en Segunda División nun encontro ante o Extremadura no Estadio Francisco de la Hera de Almendralejo, onde disputou os últimos cinco minutos de máis o desconto tras substituír a James Igbekeme nun partido que o Zaragoza gañou por 0-3.[1]
Continuou no filial unha campaña máis, ata que foi subido definitivamente ao primeiro equipo para a tempada 2020/21. Con todo, contou con poucos minutos e en xaneiro saíu cedido ao UCAM Murcia, de Segunda B.[2] Para a tempada seguinte foi cedido de novo, desta vez ao Gimnàstic de Tarragona, da Primeira División RFEF, onde disputou 24 partidos ás ordes de Raül Agné, 9 deles como titular.[3] Tras esta segunda cesión, rescindiu o seu contrato co Zaragoza e despois duns meses sen equipo, nos que estivo adestrando co Teruel,[4] fichou polo Badajoz en xaneiro de 2023.[5]
Selección nacional[editar | editar a fonte]
En marzo de 2016, aínda en idade xuvenil, foi convocado por primeira vez pola selección sub-20 de Guinea Ecuatorial.[6]
O 9 de setembro de 2019 debutou coa selección absoluta do seu país en partido oficial, na primeira rolda de clasificación para o Mundial de 2022, ante Sudán do Sur, que rematou con vitoria ecuatoguineana.[7]
Notas[editar | editar a fonte]
- ↑ "Jannick Buyla: "He cumplido el sueño de todo canterano"" (en castelán). 12 de maio de 2019. Consultado o 28 de novembro de 2023.
- ↑ "Jannick llega cedido al UCAM Murcia" (en castelán). 28 de xaneiro de 2021. Consultado o 28 de novembro de 2023.
- ↑ Marín, Javier (5 de xullo de 2021). "Oficial: Nick Buyla, cedido al Nástic". As (en castelán). Consultado o 28 de novembro de 2023.
- ↑ Gascó, Javier (14 de outubro de 2022). "Jannick prueba en el CD Teruel tras rescindir con el Zaragoza". Consultado o 28 de novembro de 2023.
- ↑ "JANNICK BUYLA, OFICIALMENTE BLANQUINEGRO" (en castelán). 5 de xaneiro de 2023. Consultado o 28 de novembro de 2023.
- ↑ "Guinea Ecuatorial convoca al juvenil zaragocista Buyla" (en castelán). 29 de marzo de 2016. Consultado o 28 de novembro de 2023.
- ↑ "Bikoro y Jannick, protagonistas en el triunfo de Guinea Ecuatorial" (en castelán). 9 de setembro de 2019. Consultado o 28 de novembro de 2023.
