Jane Russell

Jane Russell
	Russell en 1953
Nome completo	Ernestine Jane Geraldine Russell
Nacemento	21 de xuño de 1921
Lugar	Bemidji, Minnesota
Falecemento	28 de febreiro de 2011 (89 anos)
Lugar	Santa Maria, California
Causa	doenza respiratoria
Nacionalidade	Estados Unidos
Relixión	cristianismo
Educada en	Van Nuys High School
Cónxuxe(s)	Bob Waterfield (1943–1967); Roger Barrett (1968); John Calvin Peoples (1974–1999)
Profesión	Actriz
Na rede
	[ editar datos en Wikidata ]
	v; c; e;

Ernestine Jane Geraldine Russell, nada en Bemidji (Minnesota) o 21 de xuño de 1921 e finada en Santa Maria (California) o 28 de febreiro de 2011 foi unha actriz estadounidense coñecida como Jane Russell, unha das grandes sex symbols das décadas de 1940 e 1950.

Traxectoria[editar | editar a fonte]

Filla dun militar e unha actriz, de pequena estudou piano e participou en obras teatrais. Inicialmente desexaba ser deseñadora, pero finalmente traballou como modelo e, por presións da súa nai, estudou interpretación con Max Reinhardt e Maria Ouspenskaya.

En 1940 asinou un contrato con Howard Hughes e fixo o seu primeiro filme, The Outlaw, que foi estreado de forma limitada en 1943 por problemas coa censura e o código Hays. Ata que tivo unha estrea comercial en 1946, Russell seguiu traballando como modelo.

Tras o éxito do filme, Russell era coñecida especialmente polo seu físico, que deu lugar a bromas como as frases do seu compañeiro Bob Hope, que a presentou como "the two and only Jane Russell" ou que dixo "Cultura é a capacidade de describir a Jane Russell sen mover as mans". Howard Hughes tamén dixo, "Hai dúas boas razóns polas que os homes van vela. Son abondas." A imaxe de Russell sobre unha morea de palla foi unha popular foto de pin-up.

Os seus principais éxitos tiveron lugar entre 1947 e 1956, especialmente no filme Os cabaleiros prefírenas loiras (1953), con Marilyn Monroe. A partir de 1970 retirouse do cinema e o ano seguinte debutou en Broadway, no musical Company.