Jaime Nava de Olano
| Jaime Nava | |||
|---|---|---|---|
| Información persoal | |||
| Nome completo | Jaime Nava de Olano | ||
| Nacemento | 1 de maio de 1983 (40 anos) | ||
| Lugar | Madrid, España | ||
| Altura | 1'91 m | ||
| Peso | 108 kg | ||
| Posición | Centro e Nº8 | ||
| Carreira sénior | |||
| Anos | Equipos | ||
| 2001-2003 | M.A.R.U. | ||
| 2003-2008 | C. Alcobendas R. | ||
| 2008-2009 | C.R. El Salvador | ||
| 2009-2010 | Plymouth Albion R.F.C. | ||
| 2010 | C. Alcobendas R. | ||
| 2010-2011 | C.R. El Salvador | ||
| 2011-2012 | C.A. Saint Etienne | ||
| 2012-2014 | U.S. Bressanne | ||
| 2014-2015 | C.A. Périgueux | ||
| 2015-2017 | Stade Dijonnais | ||
| 2017-2019 | C. Alcobendas R. | ||
| 2019-2022 | C.R. Alcalá | ||
| 2022-2023 | C. Alcobendas R. | ||
| Selección nacional | |||
| 2002-2018 | España | 79 partidos | |
Jaime Nava de Olano, nado o 1 de maio de 1983 en Madrid, é un xogador de rugby retirado, foi o capitán do selección española coa que ten disputado 79 encontros. As súas posicións no campo son as de centro e número oito.
Traxectoria[editar | editar a fonte]
Formado nas categorías inferiores do M.A.R.U., na súa tempada de debut no primeiro equipo (2001/02) o club gañou o seu único título de liga, e Jaime debutou coa selección absoluta. Trala seguinte tempada o M.A.R.U. desapareceu por razóns económicas e foi refundado como Club Alcobendas Rugby. Jaime seguiu en Alcobendas até o 2008, ano no cal fixo probas en Inglaterra para pasarse ó rugby profesional. Finalmente fichou polo C.R. El Salvador de Valladolid no que tan só botou unha tempada (2008/09). Ó ano seguinte marchou a Inglaterra para xogar un ano (2009/10) no Plymouth Albion R.F.C., pero unha lesión fixo que rematase a tempada novamente en Alcobendas. A seguinte tempada foi a segunda no C.R. El Salvador, xusto antes de comezar a súa carreira deportiva por terras francesas. Na tempada 2011/12 xogou no C.A. Saint Etienne, as dúas seguintes no U.S. Bressanne, outra no C.A. Périgueux, e de 2015 a 2017 defendeu as cores do Stade Dijonnais. Despois en 2017 fichou polo C. Alcobendas R. ata 2019 onde se retirou do rugby profesional. De 2019 a 2022 xogou no C.R. Alcalá, ata que fichou de novo polo C. Alcobendas R. onde se retirou definitivamente. En 2015 comezou a ser o capitán da selección española. Con 79 encontros internacionais, é o segundo xogador que máis veces defendeu as cores da selección absoluta.