JCVD

Na Galipedia, a Wikipedia en galego.
Saltar ata a navegación Saltar á procura

JCVD
Ficha técnica
Título orixinalJCVD
DirectorMabrouk El Mechri
ProdutorSidonie Dumas, Fiszman Marc, Patrick Quinet, Jani Thiltges
GuiónFrédéric Bénudis, Mabrouk El Mechri, Christophe Turpin
IntérpretesJean-Claude Van Damme, François Damiens, Zinedine Soualem
MúsicaGast Waltzing
Estrea4 de xuño de 2008
Duración96 minutos
OrixeBélxica Bélxica
Flag of France.svg Francia
Luxemburgo Luxemburgo
XéneroComedia
Drama
Orzamento11 millóns de dólares

JCVD é unha película de comedia e drama de 2008, dirixida por Mabrouk El Mechri e protagonizada por Jean-Claude Van Damme.

A película estreouse o 4 de xuño de 2008 en Bélxica e Francia.

Argumento[editar | editar a fonte]

Van Damme interprétase a si mesmo, un actor estrela do cine de acción en declive, nunha racha de mala sorte. Anda mal de cartos, o seu axente non lle atopa unha produción digna, e o xuíz do preito pola custodia da súa filla está disposto a concederlla á súa ex-muller. Regresa á súa casa da infancia en Bruxelas, capital de Bélxica, onde viven seus pais e aínda se considera unha icona nacional. Pero no momento de ir a unha oficina de correos para recibir una transferencia bancaria, atópase atrapado en medio dun atraco. Debido a un erro, a policía pensa que Van Damme é un dos atracadores en vez dun dos reféns. Os acontecementos vanse vendo desde diferentes perspectivas, e Van Damme aparece actuando coma heroe para protexer os reféns, coma un negociador, e coma o autor do atraco.

Recepción[editar | editar a fonte]

As críticas de JCVD son xeralmente positivas, sendo o máis eloxiado o extenso monólogo de Van Damme onde expresa unha ampla gama de emocións. Boa parte da crítica recoñeceu as capacidades como actor de Van Damme na súa lingua natal, a francesa.