Isabel de Portugal, duquesa de Borgoña

Na Galipedia, a Wikipedia en galego.
Saltar ata a navegación Saltar á procura
Isabel de Portugal, duquesa de Borgoña
Rogier van der Weyden (workshop of) - Portrait of Isabella of Portugal.jpg
Nacemento21 de febreiro de 1397
 Évora
Falecemento17 de decembro de 1471
 Dijon
SoterradaMonastério de Champmol
Ocupaciónpolítica
PaiXoán I de Portugal
NaiFilipa de Lancaster
CónxuxeFilipe III de Borgoña
FillosCarlos o Temerario
IrmánsBeatriz, Condessa de Arundel, Henrique, duque de Viseu, Duarte de Portugal, Fernando, o Infante Santo, Pedro, Duque de Coimbra, Afonso I, Duque de Bragança e Xoán, Infante de Portugal
editar datos en Wikidata ]

Isabel de Portugal, nada en Évora o 21 de febreiro de 1397 e finada en Dijon (Borgoña) o 17 de decembro de 1471, foi unha princesa portuguesa da dinastía de Avis.

Era a única filla do rei Xoán I de Portugal e da súa muller Filipa de Lancaster. Pasou a súa mocidade na corte de Lisboa. Era irmá, entre outros, de Henrique o Navegador, Pedro, duque de Coímbra e Duarte, rei de Portugal, sucesor de Xoán I.

En 1430, casou con Filipe III, duque de Borgoña, con quen tivo 3 fillos: Antonio e Xosé (que morreron durante a infancia) e Carlos o Temerario (nado o 10 de novembro de 1433).

Isabel era unha muller moi refinada e intelixente, que lle gustaba de se rodear por artistas e poetas e foi unha mecenas das artes. Tamén na política, exerceu a súa influencia sobre o seu fillo e, en especial, sobre o seu marido, que representou en varias misións diplomáticas.