Isaías Carrasco

Na Galipedia, a Wikipedia en galego.
Saltar ata a navegación Saltar á procura
Isaías Carrasco
Nacemento11 de xuño de 1966
 Mondragón
Falecemento7 de marzo de 2008
 Mondragón
NacionalidadeEspaña
Ocupaciónpolítico e sindicalista
editar datos en Wikidata ]

Isaías Carrasco Miguel, nado en Arrasate en 1964, e finado ibídem o 7 de marzo de 2008, foi un político social-demócrata vasco. Os seus pais eran orixinarios de Morales de Toro (provincia de Zamora). Traballou no sector da construción e nos seus últimos anos traballou para a empresa Bidelan na peaxe da A1 ó seu paso por Bergara.

Militante do Partido Socialista de Euskadi (PSE-EE) e da Unión Xeral de Traballadores (UXT), foi rexedor do concello de Arrasate entre xuño de 2003 e maio de 2007. Formou parte da Comisión Informativa de Desenvolvemento Estratéxico e foi representante do PSE-EE no Consello Sectorial de Medio ambiente. Tamén foi membro da Xunta de Goberno da Comarca de Debagoiena.

O 7 de marzo de 2008, dous días antes das Eleccións Xerais 2008 en España, foi asasinado por Euskadi Ta Askatasuna de tres tiros mentres paseaba polas rúas de Arrasate en compaña da súa muller e da súa filla. Tiña renunciado a levar escolta.

Véxase tamén[editar | editar a fonte]

Ligazóns externas[editar | editar a fonte]