Iria Collazo

Na Galipedia, a Wikipedia en galego.
Saltar ata a navegación Saltar á procura
Iria Collazo
Iria Collazo.jpg
Nacemento26 de xuño de 1981
 Barro
NacionalidadeEspaña
Alma máterUniversidade de Vigo
Ocupaciónprofesora e escritora
editar datos en Wikidata ]

Iria Collazo López, nada en Barro o 26 de xuño de 1981, é unha escritora galega.

Traxectoria[editar | editar a fonte]

Con Tamara Andrés na presentación da revista Ligeia en Bueu o 22/09/2018

Naceu en Barro e trasladouse coa familia aos sete anos a Moaña. Licenciouse en Filoloxía Galega en 2003 na Universidade de Vigo, obtendo o Premio Extraordinario Fin de Carreira. Ao ano seguinte aprobou as oposicións ao Ensino Secundario. Hoxe vive en Cangas e exerce como profesora de Lingua e Literatura Galega no IES As Barxas, de Moaña, onde colabora con pequenas creacións literarias e como coordinadora, xunto con Luz Beloso, Miguel Ángel Alonso Diz e Seso Durán en proxectos audiovisuais (A Muller Lamprea, Alicia) nos obradoiros Eduplástica e MusicasBarxas, que resultaron gañadores dalgúns premios do audiovisual escolar, coma o 1º Premio de Videocreación do Concello de Santiago de Compostela, o Premio Olloboi Orixinal 2014, un accésit polo fomento do uso do galego do IES Monte Carrasco e outra nos premios Impinxidela. En 2018 colaborou na revista Ligeia[1].

En 2015 publicou na Colección Costa Oeste da Editorial Galaxia a súa primeira obra literaria, Coma unha áncora, unha historia de amor, naufraxios e memoria. En 2016 saíu A soidade das medusas tamén en Galaxia, seis relatos diferentes pero con moitas cousas en común[2]. Na mesma editorial publicou en 2019 A casa do paralelo 54.

Foi IIº Premio Certame de Poesía Torre de Caldaloba 2019 con De casa queimada.[3]

En 2021 gañou a primeira bolsa do programa de intercambio de escritores entre Galicia e Xeorxia, para realizar unha estadía literaria na Writers’ House of Georgia de Tblisi, ao tempo que un autor xeorxiano viaxa á Residencia Literaria 1863 da Coruña.[4]

Obra[editar | editar a fonte]

Narrativa[editar | editar a fonte]

Poesía[editar | editar a fonte]

Notas[editar | editar a fonte]

  1. "Iria Collazo". Ligeia. Revista de Literatura (1). xuño/setembro 2018. ISSN 2603-7416. 
  2. "A soidade das medusas". lecturafilia.com. Consultado o 22/09/2018. 
  3. "De casa queimada de Iria Collazo López". De casa queimada de Iria Collazo López ... Consultado o 2021-01-25. 
  4. Galicia, Xunta de (2021-06-24). "A profesora Iria Collazo gaña a primeira bolsa do programa de intercambio de escritores entre Galicia e Xeorxia". Xunta de Galicia. Consultado o 2021-06-24. 
  5. "Coma unha áncora de Iria Collazo", no Caderno da Crítica, 15 de agosto de 2015.
  6. "Recensión: Iria Collazo López, Como unha áncora". palabradegatsby (en castelán). Consultado o 2020-09-04. 
  7. "Ficha na Editorial Galaxia". editorialgalaxia.gal. Consultado o 22/09/2018. 
  8. "A casa do paralelo 54". Editorial Galaxia. Consultado o 2019-02-08. 

Véxase tamén[editar | editar a fonte]

Ligazóns externas[editar | editar a fonte]