A illa Manitoulin (en inglésManitoulin Island) está no Lago Huron e pertence á provincia canadense de Ontario. Cos seus 2.766 km², é maior que Luxemburgo, e ademais é a maior illa do mundo situada nun lago de auga doce. No ano 2001 tiña 10.603 habitantes, o que corresponde a unha densidade de poboación de aproximadamente 4 habitantes/km².
Na illa hai en total máis de 80 lagos, algúns dos cales conteñen illas máis pequenas. A vila histórica de Manitowaning, fundada en 1837, foi o primeiro asentamento europeo na illa.
