Igrexa ortodoxa autocéfala belarusa
| Igrexa ortodoxa autocéfala belarusa | |
|---|---|
| Historia | |
| Fundación | 1922 |
| Motivo | Independencia da Igrexa ortodoxa polaca |
| Goberno | |
| Metropolita | Sviataslaŭ Lohin |
| Outros datos | |
| Páxina web | www.belapc.org |
A Igrexa ortodoxa autocéfala belarusa (en belaruso: Беларуская аўтакефальная праваслаўная царква, Bielaruskaja aǔtakefaĺnaja pravaslaǔnaja carkva) é unha igrexa ortodoxa non canónica que aspira a ser a igrexa ortodoxa autocéfala nacional de Belarús, en contraposición co exarcado belaruso da Igrexa ortodoxa rusa.
Ten a súa orixe nun grupo de crentes pertencentes á Igrexa ortodoxa polaca, á que logo da primeira guerra mundial Constantinopla concedeu a autocefalia. No sínodo en Minsk, o 23 de xuño de 1922, foi creada a metrópole autocéfala belarusa. A igrexa operou con liberdade até 1938, cando foi suprimida polos bolxeviques. A finais da década de 1940 foi restaurada, e dende entón ten tentado restabelecerse en Belarús. Hoxe a súa actividade limítase case totalmente á diáspora, xa que tivo a oposición dos sucesivos gobernos belarusos e das principais igrexas ortodoxas canónicas.
O seu máximo dirixente é o arcebispo de Navahrudak e América do Norte Sviataslaŭ Lohin.
Primados
[editar | editar a fonte]- Iziaslaŭ Brucki (maio de 1984 - 26 de novembro de 2007, finado)
- Sviataslaŭ Lohin (dende o 11 de maio de 2008)
Véxase tamén
[editar | editar a fonte]Ligazóns externas
[editar | editar a fonte]- Páxina web oficial (en belaruso).
