Ignacio Escolar

Na Galipedia, a Wikipedia en galego.
Saltar ata a navegación Saltar á procura
Ignacio Escolar
Ignacio Escolar (segundo aniversario de eldiario.es).jpg
Escolar no 2014.
Nome completoIgnacio Escolar García
Nacemento20 de decembro de 1975 (43 anos)
 Burgos, España España
NacionalidadeEspaña
Relixiónateo
OcupaciónXornalista
PaiArsenio Escolar Ramos
PremiosIschia International Journalism Award e Premio Gabriel García Márquez de xornalismo
editar datos en Wikidata ]

Ignacio Escolar García, nado en Burgos o 20 de decembro de 1975, é un blogueiro e xornalista español que dirixe o xornal dixital eldiario.es e é analista político na radio e na televisión. Foi fundador e primeiro director do xornal Público.[1]

Traxectoria xornalística[editar | editar a fonte]

Comezou a súa carreira xornalística en 1995,[2] colaborando en diarios como Cinco Días ou El Mundo e revistas como Muy Interesante, Rolling Stone, GEO ou Quo. En 1999, incorporouse ós informativos de Telecinco, como responsable dunha sección de Internet: "El Navegante", que se emitía no informativo da noite. En 2004, traballou como consultor de prensa en México e Ecuador. De volta a España, foi nomeado coordinador da web Informativos Telecinco. Deixou o posto para converterse en director adxunto de La Voz de Almería, Cadena SER Almería e Localia Almería, o que faría del, ademais, tertuliano nos programas La ventana e Hoy por hoy da Cadena Ser. Regresou a Madrid para ser o primeiro director do rotativo Público, que dirixiu dende a súa fundación, en setembro de 2007, deica a súa destitución, o 13 de xaneiro de 2009. Dende esa data até marzo de 2012 foi columnista diario de Público, téndose desvencellado deste xornal para fundar a cabeceira dixital eldiario.es.[3]

Tamén participou en tertulias políticas de TVE, como Los Desayunos de TVE, La noche en 24 horas ou 59 segundos (2007-2012), La vuelta al mundo (2009-2011) en Veo7, Las mañanas de Cuatro (2013-2014) con Jesús Cintora, El programa de Ana Rosa, El gran debate (2012-2013) e Un tiempo nuevo en Telecinco (2014).

É colaborador acotío de Hoy por hoy da Cadena SER e ten contrato de exclusividade con La Sexta colaborando nos principais programas da canle: Al rojo vivo (La Sexta) (2015-presente), Más vale tarde e La Sexta Noche (2015-presente). Colabora con medios internacionais como The Guardian, no Reino Unido, ou Clarín, na Arxentina.

Notas[editar | editar a fonte]

  1. Top 25 Internet Arquivado 21 de setembro de 2013 en Wayback Machine.. El Mundo. 3 de xaneiro de 2010
  2. [1] Currículum de Ignacio Escolar
  3. Ignacio Escolar prepara la cabecera digital 'eldiario.es'. El Financiero Digital, 28/3/2012

Véxase tamén[editar | editar a fonte]

Ligazóns externas[editar | editar a fonte]