Ian Paisley

Na Galipedia, a Wikipedia en galego.
Ian Paisley
Ian Paisley - (cropped).png
Ian Richard Kyle Paisley
Datos persoais
Nacemento 6 de abril de 1926
Lugar Armagh
Falecemento 12 de setembro de 2014
Lugar Belfast
Organización Partido Democrático Unionista
Profesión Político e líder relixioso

Ian Richard Kyle Paisley, nado en Armagh o 6 de abril de 1926, morto en Belfast o 12 de setembro de 2014[1] foi un político e líder relixioso de Irlanda do Norte. Foi o fundador da Igrexa Libre Presbiteriana do Ulster e líder do Partido Unionista Democrático (DUP), o máis radical dos partidos maioritariamente protestantes, que abogan polo mantemento da unión de Irlanda do Norte ó Reino Unido. Fronte a eles, os católicos republicáns son partidarios da reunificación política de toda a illa de Irlanda.

Traxectoria[editar | editar a fonte]

Paisley foi membro do parlamento inglés pola circunscripción de Antrim Norte dende 1970, e tamén membro da Asemblea de Irlanda do Norte. Foi moi crítico coa fe católica e tamén mostrouse en contra da normalización social da homosexualidade.

En 2003, o partido liderado por Paisley convertiuse no máis votado de Irlanda do Norte, desbancando ó moderado Partido Unionista do Ulster (UUP). O Sinn Féin convirteuse na segunda forza política. A agrupación de Paisley fora en 1998 a única forza norirlandesa oposta ós Acordos do Venres Santo, pero moi pouco a pouco moderou levemente as súas posturas. O Acordo do Venres Santo significaba a autodeterminación para o Ulster, a entrega de armas por parte dos grupos armados nun plazo de dous anos, e a rebaixa a un terzo das condenas dos presos por delitos terroristas dos grupos que firmaran o alto o fogo.

O DUP de Paisley involucrouse no proceso, unha vez que o IRA destruíu as súas armas. En 2007 Paisley foi designado como "Ministro Principal", ou xefe do Goberno rexional do Ulster, e tivo como viceprimeiro ministro ao seu inimigo acérrimo tradicional, o "número dous" do Sinn Féin, Martin McGuinness. En 2008 foi substituído por Peter Robinson como Ministro Principal e como presidente do DUP.

Ian Paisley tamén foi o fundador da organización paramilitar Voluntarios Protestantes do Ulster, "Ulster Resistance" en inglés.


  1. "Morreu Ian Paisley, o "Sr. Não" da Irlanda do Norte". PÚBLICO. Consultado o 2015-12-25.