Xacinto (planta)

Para outras páxinas con títulos homónimos véxase: Xacinto (homónimos).

Xacinto (xénero Hyacinthus)
xacinto común (Hyacinthus orientalis)
Clasificación científica
Reino: Plantae División: Magnoliophyta Clase: Liliopsida Subclase: Liliidae Orde: Asparagales Familia: Asparagaceae Subfamilia: Scilloideae Tribo: Hyacintheae Xénero: Hyacinthus
Especies
Hyacinthus litwinowii Hyacinthus orientalis Hyacinthus transcaspicus

Os xacintos son plantas pertencentes ao xénero Hyacinthus. Son plantas perennes e bulbosas pertencentes á subfamilia das escilóideas dentro das asparagáceas. Son orixinarios da rexión mediterránea e da África meridional. O seu nome provén de Xacinto, amante do deus Apolo segundo a mitoloxía grega.

O xacinto común, normalmente cultivado en Galiza (Hyacinthus orientalis) foi tan popular durante o século XVIII que se cultivaron máis de 2.000 tipos nos Países Baixos, o principal produtor hoxe en día.

O xacintos producen unha única e mesta espiga de recendentes flores en tons avermellados, azuis, brancos ou amarelos. Unha variedade de florista máis delicada e miúda do xacinto común é o xacinto romano (var. albulus) de pétalos azuis ou brancos.

Na actualidade, recoñécense soamente tres especies no xénero Hyacinthus, aínda que algunhas autoridades colocan H. litwonowii e H. transcaspicus no xénero emparentado Hyacinthella, deixando o Hyacinthus coma monotipo.

Galería de imaxes

• 
  Xacinto, variedade rosada.
• 
  Xacinto, variedade azul.
• 
  Xacinto, variedade branca.
• 
  Xacinto, debuxo de Gerard Van Spaendonck.
• 
  Xardín de xacintos.
• 
  Xacintos no Templo de Flora, debuxo de Robert John Thornton.