Taxon monotípico

Na Galipedia, a Wikipedia en galego.
(Redirixido desde "Monotípico")
Monotípico redirixe aquí.
O xénero Orycteropus é monotípico porque só contén a especie porco formigueiro (Orycteropus afer).

En bioloxía, un taxon monotípico é un grupo taxonómico (taxon) que contén só un taxon inmediatamente subordinado.[1] O taxon subordinado en cuestión pode conter varios taxons inferiores ou ser tamén monotípico. Aínda que o termo parece indicar que un taxon ten un só espécime tipo (sen sintipos, lectotipos, ou outros tipos) e ningún sinónimo heterotípico/junior, ese non é o seu significado.

No caso das especies, unha especie monotípica é aquela que non contén subespecies ou grupos menores de taxons infraespecíficos. No caso dos xéneros prefírese ás veces o o termo "uniespecífico".

Na nomenclatura botánica, un xénero monotípico tamén se refire a un caso especial no que se describen simultaneamente un xénero e unha soa especie dese xénero.[2] En Botánica, monotípico úsase máis que monoespecífico co mesmo significado.

Igual que o termo "monotípico" se usa para describir un gran taxon que comprende só unha subdivisión, pódese tamén dicir que o taxon contido é monotípico dentro do taxon grande, por exemplo, un xénero monotípico dentro dunha familia.

Taxons que se consideraban inicialmente monotípicos poden deixar de selo ao seren subdivididos máis adiante conforme se afina a súa clasificación taxonómica ao obtérense novos coñecementos sobre eles, como por exemplo, datos xenéticos.

Exemplos[editar | editar a fonte]

Algúns exemplos de grupos monotípicos son os seguintes:

Notas[editar | editar a fonte]

  1. Mayr E, Ashlock PD. (1991). Principles of Systematic Zoology (2nd ed.). McGraw-Hill. ISBN 0-07-041144-1
  2. McNeill, J.; Barrie, F.R.; Buck, W.R.; Demoulin, V.; Greuter, W.; Hawksworth, D.L.; Herendeen, P.S.; Knapp, S.; Marhold, K.; Prado, J.; Reine, W.F.P.h.V.; Smith, G.F.; Wiersema, J.H.; Turland, N.J. (2012). International Code of Nomenclature for algae, fungi, and plants (Melbourne Code) adopted by the Eighteenth International Botanical Congress Melbourne, Australia, July 2011. Regnum Vegetabile 154. A.R.G. Gantner Verlag KG. ISBN 978-3-87429-425-6.  articles 38.5 and 38.6
  3. Fraser, T.H. (2014). A new genus of cardinalfish from tropical Australia and southern New Guinea (Percomorpha: Apogonidae). Zootaxa 3852(2): 283–293.

Véxase tamén[editar | editar a fonte]

Outros artigos[editar | editar a fonte]