Hugo Silva

Na Galipedia, a Wikipedia en galego.
Saltar ata a navegación Saltar á procura
Hugo Silva
Hugo Silva.jpg
Nome completoRafael Hugo Fernández Silva
Nacemento10 de maio de 1977 (43 anos)
LugarMadrid España
NacionalidadeEspaña
Cónxuxe(s)Ingrid Reino
ProfesiónActor
http://www.hugosilvaweb.net
editar datos en Wikidata ]

Rafael Hugo Fernández Silva, coñecido como Hugo Silva, nado en Madrid o 10 de maio de 1977, é un actor español. É un dos sex symbol do momento, considerado o home máis desexado de España en 2010 segundo La Flecha.[1]

Biografía[editar | editar a fonte]

Silva cursou estudos de teatro na Escola de Arte Teatral Ángel Gutiérrez, no Teatro Cámara de Madrid e realizou estudos de arte dramática na RESAD. Tamén recibiu formación de canto e guitarra.

Formou parte dun grupo de música heavy, chamado Inordem, ao que deixou para dedicarse de cheo á súa carreira de actor.

Foi actor secundario en series como Al salir de clase e Los hombres de Paco, serie coa que se consagrou como actor, e o protagonista da serie Paco y Veva á beira de Elena Ballesteros.

Fixo obras de teatro como Las amistades peligrosas e Atraco a las 3. Tamén fixo cine participando en filmes como Terca vida, Reinas ou Ladies’ Night. O seu debut televisivo foi en Crónicas marcianas facendo un playback dun grupo heavy.

Desde 2005 e ata 2009 viviu o seu maior momento de popularidade ao encarnar a Lucas Fernández, un dos tres protagonistas da exitosa serie Los hombres de Paco, de Antena 3. Por este papel foi nomeado ao Fotogramas de Prata en 2007.

Durante a rodaxe de Al salir de clase relacionóuselle sentimentalmente coa súa compañeira Olivia Molina. Máis tarde atribuíronselle romances coas tamén actrices Kira Mirou (coa que coincidiu en Paco y Veva) e, máis recentemente, Silvia Marty, coñecida polo seu papel de Ingrid en Un paso adelante, ou en LEX.

Rodou a serie Karabudjan, rodada principalmente en Colombia, e na que coincide cos actores Marta Nieto e Víctor Clavijo entre outros. Tamén tivo un papel principal na tv-movie de Antena 3 La princesa de Éboli, onde compartiu pantalla con Belén Rueda, quen interpretaba a Ana de Mendoza, e tamén volveu coincidir con Michelle Jenner. Hugo Silva interpretou a Antonio Pérez, quen mantiña unha relación secreta con Ana de Mendoza.

Traxectoria[editar | editar a fonte]

Televisión[editar | editar a fonte]

Cine[editar | editar a fonte]

Teatro[editar | editar a fonte]

  • 1993: Hibrit
  • 1995: Las amistades peligrosas
  • 2001-2002: Atraco a las tres
  • 2009: Hamlet

Dobraxe[editar | editar a fonte]

  • 2004: Largo domingo de noviazgo.

Premios[editar | editar a fonte]

Notas[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]