Henan

Na Galipedia, a Wikipedia en galego.
Saltar ata a navegación Saltar á procura
Henan - 河南
Coats of arms of None.svg
Bandeira Escudo
Localización
Localización da provincia de Henan.
Datos
Capital Zhengzhou
País China
Linguas
Poboación (2012) 94 100 000 hab.
Superficie 167 000 km2
Densidade 560 hab/km²
Subdivisións 17 prefecturas, 159 condados, 2455 vilas
Coordenadas 33°54′N 113°30′L / 33.900, -113.500
Maior Altura

Henan (en chinés 河南, en pinyin Hénán ) é unha provincia da República Popular da China, localizada no centro do país. É o berce da civilización chinesa con 3 000 anos de historia rexistrada, e permaneceu como centro cultural, político e económico ata hai aproximadamente mil anos. Entre os seus tesouros artísticos salientan as ruínas da capital da dinastía Shang, Yin Xu, e o mosteiro Shaolin. Catro das oito capitais históricas chinesas están en Henan: Luoyang, Anyang, Kaifeng e Zhengzhou.

Cunha superficie de 167 000 km2, Henan cobre unha gran parte da fértil e densamente poboada chaira do norte da China. As provincias veciñas son Shanxi, Shaanxi, Shandong, Hebei, Anhui e Hubei. Henan é a terceira provincia por poboación, con 94 millóns de habitantes e mais é a quinta economía provincial e a primeira das provincias do interior, aínda así o seu PIB é baixo comparado con outras provincias orientais e centrais, e Henan está considerada unha das zonas menos desenvolvidas da China, cunha industria tecnolóxica e un sector servizos escasamente desenvolvidos e concentrados arredor de Zhengzhou e Luoyang, cunha economía dependente do aluminio e do carbón, así como da agricultura, a industria pesada, o turismo e o comercio polo miúdo.