Gwallog ap Llaennog

Na Galipedia, a Wikipedia en galego.
Saltar ata a navegación Saltar á procura
Gwallog ap Llaennog
Nacemento520
Falecemento586
Ocupaciónmonarca
PaiLlaennog ap Masgwid
FillosCeredig ap Gwallog e Dwywe
editar datos en Wikidata ]

Gwallog ap Llaennog (as variadas ortografías do galés medio inclúen Gwallawc fab Lleynawc; galés standard: Gwallog ap Llëenog ou Llëynog) foi un heroe do Hen Ogledd e probábel rei no século VI do estado posromano de Elmet na zona de Leeds do moderno Yorkshire.

Uniuse a un grupo de reis britóns, que inclúe a Urien Rheged, Rhydderch Hael e Morgant Bwlch de Bryneich, nun intento de vencer aos anglos de Bernicia. Este esforzo fracasou despois da morte de Urien a mans de Llofan Llaf Difo.

Outra tradición asegura que Gwallog máis adiante lle fixera a guerra ao antigo reino de Urien (Rheged) xunto con Dunod Fawr dos Peninos, atacando aos fillos de Urien.

Nalgunhas fontes danlle a Gwallog o epíteto de Marchog Trin, que significa "xinete de batalla". Se a identificación como rei de Elmet for correcta, o seu sucesor sería o seu fillo Ceredig, o derradeiro rei de Elmet, ao que depuxo Edwin de Deira.