Guy Maddison

Na Galipedia, a Wikipedia en galego.
Saltar ata a navegación Saltar á procura
Guy Maddison
Guy Maddison.jpg
Ao vivo con Mudhoney no 2007
Nacemento31 de marzo de 1965 (54 anos)
OrixePerth, Australia Australia
Ocupaciónmúsico, enfermeiro
Xénerogrunge, punk rock
Instrumento(s)baixo, voz, guitarra
Relacionado conMudhoney, Lubricated Goat, Bloodloss, Tall Poppies, Monroe’s Fur, Greenhouse Effect
editar datos en Wikidata ]

Guy Maddison, nado en Perth o 31 de marzo de 1965, é un músico australiano, coñecido principalmente pola súa asociación á música punk rock e grunge, e principalmente por ser o baixista da banda de Seattle Mudhoney, substituíndo a Matt Lukin no ano 2001.

Traxectoria[editar | editar a fonte]

Maddison comezou a tocar a mediados dos anos 80 na banda de punk rock The Greenhouse Effect en Perth. Despois de mudarse a Sydney en 1986, tocou o baixo con Lubricated Goat, ás veces co pseudónimo Buster Smallgoods, gravando un álbum e un EP con eles. O líder Stuart "Stu Spasm" Grey e Maddison foron os únicos membros da banda que saíron de xira polos Estados Unidos, alistando ao guitarrista Renestair EJ e ao batería Martin Bland para xirar con eles. Foi tamén un membro ocasional do grupo improvisado The Unconscious Collective, e do experimental Merge.

Despois da xira polos Estados Unidos, Maddison deixou Lubricated Goat e formou un proxecto con Peter Hartley, que tocara a guitarra no primeiro álbum de Lubricated Goat. Bautizaron á banda co nome Monroe’s Fur e nesas datas Maddison marchou a vivir a Seattle, Washington.

A mediados dos 90 tocou o baixo na terceira encarnación de Bloodloss, unha banda de blues punk orixinaria de Adelaida, Australia, co vocalista Mark Arm, o guitarrista e saxofonista Renestair EJ e Martin Bland. A finais da década, Maddison foi o líder do grupo de Seattle Tall Poppies, onde tocaba a guitarra e cantaba.

No ano 2001, despois da marcha do baixista orixinal de Mudhoney, Matt Lukin, Maddison aceptou unha invitación para unirse á banda. Guy apareceu nos seus tres álbums máis recentes, que recibiron críticas bastante favorables. Como proxecto paralelo, Maddison canta e toca a guitarra na actualidade nunha banda de rock psicodélico chamada Bricklane.

Maddison tamén traballa de enfermeiro coidando de enfermos críticos.