Gordon Banks

Na Galipedia, a Wikipedia en galego.
Saltar ata a navegación Saltar á busca
Gordon Banks en 2007.

Gordon Banks, nado en Sheffield, o 30 de decembro de 1937, é un futbolista inglés retirado, OBE.

Traxectoria[editar | editar a fonte]

Está considerado un dos mellores porteiros da historia. Xogou coa selección inglesa 72 veces e foi un dos piares do equipo que gañou o Mundial de Fútbol en 1966 [1]. En Inglaterra era coñecido como "Banks of England" debido á súa habilidade. En inglés é un xogo de palabras con "Bank of England" (Banco de Inglaterra).

Xogou nos seguintes clubs:

Foi galardoado coa OBE no ano 1972. Ese mesmo ano perdeu a visión nun ollo a consecuencia dun accidente de tráfico.

Moita xente atribúe a Gordon Banks a mellor parada de tódolos tempos. Foi no Mundial de 1970, contra o Brasil, cando rexeitou un maxistral testarazo de Pelé axustado ó pau amosando unha axilidade abraiante que foi recoñecida polo propio Pelé [2].

Notas[editar | editar a fonte]

  1. Richard WitzigThe Global Art of Soccer, CusiBoy Publishing, 2006, ISBN 0-9776688-0-0, páxina 135
  2. Ian Grierson The Eye Book Liverpool University Press, 2000, ISBN 0-85323-755-7, páxina 132