Gladio

Na Galipedia, a Wikipedia en galego.
Saltar ata a navegación Saltar á procura

Gladio era unha rede clandestina formada durante a guerra fría que actuaba baixo a cobertura non oficial da OTAN en Europa Occidental e con financiamento e apoio da CIA e que tiña como misión organizar unha rede de resistencia paramilitar oculta que actuase no caso dunha invasión da Unión Soviética, gran parte dos seus membros recrutáronse entre a extrema dereita. A organización coñeceuse grazas á confirmación da súa existencia por Giulio Andreotti en 1990 e polas testemuñas de dous xenerais italianos sábese que organizou unha estratexia de tensión en Italia, que incluíron varias masacres, para impedir o acceso do Partido Comunista Italiano ao goberno.