Frank A. Leach
 Frank A. Leach Director da Casa da Moeda dos Estados Unidos (1907-1909) | |
| Biografía | |
|---|---|
| Nacemento | 19 de agosto de 1846 Auburn.  Nova York. |
| Morte | 19 de xuño de 1929 (82 anos) California. |
| Datos persoais | |
| País de nacionalidade |  Estadounidense |
| Actividade | |
| Ocupación | Editor, xornalista e alto funcionario. |
Frank Aleamon Leach, nado en Auburn, Nova York, o 19 de agosto de 1846, e finado en California o 19 de xuño de 1929, foi un editor de prensa escrita e xornalista estadounidense, superintendente da Casa da Moeda de San Francisco (1897-1907) e director da Casa da Moeda dos Estados Unidos (1907-1909).
Traxectoria[editar | editar a fonte]
Frank A. Leach naceu o 19 de agosto de 1846 en Auburn, condado de Cayuga, en Nova York, fillo de Mary e Edwin Warren Leach. En 1852 trasladouse coa súa familia a Sacramento, onde o seu pai estableceu unha empresa embotelladora, e posteriormente, en 1857, a Napa, ambas en California.[1][2][3][4]
Como editor de prensa foi o fundador de xornais como o Vallejo Evening Chronicle, en 1867, e que vendeu en 1886, e tamén do Oakland Evening Enquirer, que dirixiu ata 1897.[1][2][3][4]
Leach foi tamén membro da Asemblea Estatal de California, entre 1890 e 1892,[3] polo Partido Republicano.[4]
O 1 de agosto de 1897 foi nomeado superintendente da Casa da Moeda de San Frncisco, e desde ese posto tivo que enfrontarse ao terremoto e ao posterior incencio ocorridos nesa cidade en 1906, que puxeron en risco a integridade da Casa da Moeda.[4] Leach cesou nese cargo o 19 de setembro de 1907, data en que o presidente Theodore Roosevelt, por recomendación do secretario do Tesouro, George B. Cortelyou, o nomeou director da Casa da Moeda dos Estados Unidos.[1][2][3][5]
En 1891 formou parte da Comisión de Ensaios dos Estados Unidos.[2]
O 1 de xullo de 1909 dimitiu da dirección da ceca pública para asumir o cargo de presidente da compañía People's Water Company nos condados californianos de Alameda e Contra Costa.[2]
Vida persoal[editar | editar a fonte]
Leach casou o 1 de decembro de 1870 con Mary Louise Powel,[1] con quen tivo catro fillos.[2]
Faleceu en California o 19 de xuño de 1929, aos 82 anos,[3] e foi soterrado no cemiterio Mountain View, en Oakland.[6]
Publicacións[editar | editar a fonte]
Frank A. Leach foi autor de dous traballos monográficos:[7]
- (1917). Recollections of a Newspaperman: A Record of Life and Events in California. S. Levinson, San Francisco.
- (1921). Wild Life in California: Some of Its Birds, Animals and Flowers. Tribune Publishing Company, Oakland.
Notas[editar | editar a fonte]
- ↑ 1,0 1,1 1,2 1,3 Who's Who in America (1908-1909). Volume 5. Páxina 1.111.
- ↑ 2,0 2,1 2,2 2,3 2,4 2,5 Smith, P. (2012).
- ↑ 3,0 3,1 3,2 3,3 3,4 "Leach, Frank Aleamon, 1846-". Snaccooperative.org
- ↑ 4,0 4,1 4,2 4,3 "Recollections of a newspaperman; a record of life and events in California". Library of the Congress.
- ↑ "Mint Director Appointed; Frank A. Leach, at Present Superintendent in San Francisco". En New York Times. 9 de xullo de 1907.
- ↑ "Frank Aleamon Leach Sr.". Findagrave.com
- ↑ "Leach, Frank Aleamon 1846-1929". WorldCat Identities.
Véxase tamén[editar | editar a fonte]
Bibliografía[editar | editar a fonte]
- Smith, P. (2012). "Leach, Frank Aleamon". En American Numismatic Biographies. Páxina 222.
Outros artigos[editar | editar a fonte]
| Predecesor: George E. Roberts |
 Director da Casa da Moeda dos Estados Unidos 1907-1909 |
Sucesor: Abram Andrew |
