Condado de Alameda
Condados dos Estados Unidos 
| |
| |
| Lago Merritt en Oakland | |
.svg) | |
| Situación do Condado de Alameda en California | |
 | |
| Datos xerais | |
| Estado | California |
| Sede | Oakland |
| Rexión | Baía de San Francisco |
| Data de incorporación | 25 de marzo de 1853 |
| Maior cidade | Oakland |
| Características xeográficas | |
| Área | 2.130 km² |
| - Área terra | 1.910 km² (%) |
| - Área auga | 210 km² (%) |
| Poboación | 1 510 271 (2010) |
| Densidade | 789 hab/km² |
| Website: http://www.acgov.org/ | |
O condado de Alameda (en inglés Alameda County) é un dos 58 condados de California. Foi fundado en 1853 e conta cunha poboación de 1,474.368 habitantes (2008). A súa capital é a cidade de Oakland.
O condado de Alameda é un dos 9 condados que integran a populosa área da Baía de San Francisco.
Historia[editar | editar a fonte]
O condado fundouse o 25 de marzo de 1853 a partir dunha gran porción do condado de Contra Costa e dunha máis pequena do condado de Santa Clara.
O nome procede dun regato chamado rego da Alameda (en español Arroyo de la Alameda, en inglés Alameda Creek), que cruza o condado. Os salgueiros e platanáceas ao longo das ribeiras do rego lembráronlle aos primeiros exploradores españois o aspecto das alamedas, e de aí o nome.
A capital do condado no momento da fundación estaba localizada en Alvarado, hoxe un lugar abandonado. Moveuse a San Leandro en 1856, onde o pazo de xustiza quedou destruído por un devastador tremor de terra en 1868. A capital volveu mudar para a vila de Brooklyn dende 1872 ata 1875. Brooklyn é na actualidade parte de Oakland, que vén sendo a sede do condado dende 1873.
Gran parte do que agora se considera unha rexión intensamente urbana, con grandes cidades, desenvolveuse a partir de arrabaldes de San Francisco a finais do século XIX e principios do século XX. A progresión histórica dende as terras de nativos americanos aos españois, e de aí aos ranchos mexicanos, ás granxas e hortas, e de aí ás cidades e urbanizacións, foi compartida co veciño condado de Contra Costa.
