Francisco Gamborena Hernandorena

Francisco Gamborena Hernandorena
	;
Biografía
Nacemento	14 de marzo de 1901 ; Irún, España
Morte	30 de xullo de 1982 (81 anos); Donostia, España
Actividade
Ocupación	futbolista, adestrador de fútbol
Período de actividade	1915 - 1934
Nacionalidade deportiva	España
Deporte	fútbol
Posición de xogo	Centrocampista
1915–1934
Traxectoria
Participou en
1928	Xogos Olímpicos de 1928
1924	Xogos Olímpicos de 1924

Francisco "Patxi" Gamborena Hernandorena, nado en Irún (Guipúscoa) o 14 de marzo de 1901 e finado en Donostia o 30 de xullo de 1982, foi un futbolista e adestrador de fútbol vasco. Xogaba de centrocampista e foi internacional coa selección española.

Traxectoria

Como xogador

Toda a súa carreira futbolística transcorreu no Real Unión de Irún, en cuxas categorías inferiores entrou en 1915, en 1921 xa se asenta no once titular do primeiro equipo e non o deixará ata 1934, anos nos que gañou dúas Copas do Rei (en 1924 e 1927).

Co club irundarra viviu o debut na recentemente creada Primeira División e o descenso a Segunda División anos despois.

Coa selección de fútbol

Tamén foi internacional coa Selección de fútbol de España, coa que participou nos Xogos Olímpicos de 1924 e 1928, disputando un total de 20 encontros. Debutou co combinado o 7 de outubro de 1921.

Como adestrador

Unha vez retirado do fútbol en activo dirixiu como adestrador a varios equipos, debutou trala guerra civil, en 1939, no Hércules CF pero só durou unha tempada. Posteriormente dirixiu á Real Sociedad (1941/42) e ao Real Oviedo (1947/48).

Véxase tamén

Ligazóns externas

Artigo no ABC co gallo da súa morte (en castelán)
Artigo no Mundo Deportivo (en castelán)