Fraataces

Fraataces
	;
Biografía
Nacemento	século I a. C.
Morte	4
Actividade
Ocupación	monarca
Familia
Familia	Dinastía arsácida de Partia
Pais	Fraates IV da Pártia e Musa de Partia
Irmáns	Vonones I
Descrito pola fonte	Dicionario Enciclopédico Brockhaus e Efron

Fraates V, máis coñecido polo seu diminutivo Fraataces, foi o rei do Imperio parto entre os anos 2 a C. 4.^[1] Era o fillo pequeno de Fraates IV. Nalgunhas moedas represéntase asociado á súa nai Musa. Subiu ao trono tras esta envelenar a Fraates IV.

Traxectoria

Baixo o seu reinado tratou de romper a supremacía de Roma sobre Armenia e Media, pero cando Augusto enviou ao seu fillo adoptivo Caio César con orde de invadir Partia, Fraataces prefiriu concluír un tratado no ano 1, polo cal recoñecía, de novo, a Armenia como parte da esfera romana.

Pouco despois, sobre o ano 4, Fraataces e súa nai foron asasinados. Segundo Flavio Xosefo, Fraataces casara con súa nai, o que fora considerado inaceptable polos partos, que se rebelaron e o derrocaron, pasando logo a coroa a Orodes III.^[2]

Notas

↑ The Editors of Encyclopaedia Britannica (1 de xaneiro de 2023). "Phraates V". britannica.com (en inglés). Consultado o 9 de decembro de 2023.
↑ Flavio Xosefo. Antigüidades xudías: XVIII, 2.

Véxase tamén

Bibliografía

Chisholm, Hugh, ed. (1911). "Phraates". Encyclopædia Britannica (11ª ed.). Cambridge University Press (en inglés).

Predecesor: Fraates IV	Rei do Imperio Parto 2 a.C. - 4 d.C.	Sucesor: Orodes III

[1] The Editors of Encyclopaedia Britannica (1 de xaneiro de 2023). "Phraates V". britannica.com (en inglés). Consultado o 9 de decembro de 2023.

[2] Flavio Xosefo. Antigüidades xudías: XVIII, 2.

[1]

[2]