Foro Permanente para as Cuestións Indíxenas da ONU
| Foro Permanente para as Cuestións Indíxenas da ONU | |
|---|---|
| Acrónimo | UNPFII |
| Tipo | organización |
| Data de fundación | 28 de xullo de 2000 |
| Organización matriz | Consello Económico e Social das Nacións Unidas |
| Sede | Xenebra |
| Na rede | |
| http://www.un.org/esa/socdev/unpfii/es/index.html e https://www.un.org/development/desa/indigenouspeoples/unpfii-sessions-2.html | |
| [ editar datos en Wikidata ] | |
O Foro Permanente para as Cuestións Indíxenas da ONU é un organismo asesor da Organización das Nacións Unidas (ONU) obre cuestións relativas aos pobos indíxenas e os seus dereitos. No mundo hai máis de 370 millóns de persoas indíxenas (tamén coñecidas como nativas, orixinais, aborixes e primeiros pobos) nuns 70 países.
O foro foi creado en 2000 como resultado do Ano Internacional dos Pobos Indíxenas do Mundo da ONU en 1993, dentro da primeira Década Internacional dos Pobos Indíxenas do Mundo (1995–2004). É un órgano consultivo no marco do Sistema das Nacións Unidas que informa ao Consello Económico e Social das Nacións Unidas (ECOSOC).
Historia[editar | editar a fonte]
O 18 de decembro de 1990 aprobouse a Resolución 45/164 da Asemblea Xeral das Nacións Unidas, pola que se proclamaba que 1993 sería o Ano Internacional dos Pobos Indíxenas do Mundo, “coa finalidade de fortalecer a cooperación internacional para a solución dos problemas aos que se enfrontan as comunidades indíxenas nas zonas, como os dereitos humanos, o medio ambiente, o desenvolvemento, a educación e a saúde".[1][2] A celebración do ano comezou en Australia polo discurso de Redfern do primeiro ministro Paul Keating o 10 de decembro de 1992, no que abordaba as desvantaxes ás que se enfrontan os indíxenas australianos (aborixes e insulares do estreito de Torres).[3]
A creación do foro permanente foi discutida na Conferencia Mundial de Dereitos Humanos de 1993 en Viena, Austria. A Declaración e Programa de Acción de Viena recomendaban que ese foro se establecese dentro do primeiro Decenio Internacional dos Pobos Indíxenas do Mundo das Nacións Unidas.[4]
Constituíuse un grupo de traballo e tiveron lugar outras reunións que levaron á creación do foro permanente por parte do Consello Económico e Social, Resolución 2000/22 do 28 de xullo de 2000.[5]
Notas[editar | editar a fonte]
- ↑ UN General Assembly. "International Year for the World's Indigenous People, 1993 : resolution / adopted by the General Assembly 14 December 1992, A/RES/47/75". Refworld. Consultado o 24 de xullo de 2020.
- ↑ "The International Year for the World's Indigenous People". Center for International Earth Science Information Network. 25 de novembro de 1992. Consultado o 24 de xullo de 2020.
- ↑ Gilchrist, Catie (24 de xullo de 2020). "Redfern Park". The Dictionary of Sydney. Dictionary of Sydney Trust. Consultado o 24 de xullo de 2020.
- ↑ "Vienna Declaration and Programme of Action". 12 de xullo de 1993.
- ↑ "Establishment of a Permanent Forum on Indigenous Issues". 28 de xullo de 2000.
Véxase tamén[editar | editar a fonte]
Bibliografía[editar | editar a fonte]
- Partnering with Indigenous Peoples: Experiences and Practices
- Statements during the 2006 Permanent Forum on Indigenous Issues
- History of the United Nations Permanent Forum on Indigenous Issues (2006)
- State of The World's Indigenous Peoples - UN report, First Issue, 2009
- Inter-Agency Support Group on Indigenous Issues (IASG) (2006)
- Awareness raising film by Rebecca Sommer for the Secretariat of the UNPFII, 2006
