Fogueiras de san Xoán da Coruña

Na Galipedia, a Wikipedia en galego.
Saltar ata a navegación Saltar á busca
Fogueiras de san Xoán da Coruña
San Xoán no Orzán.jpg
Noite de san Xoán na praia do Orzán
Datos da festa
Data 23-24 de xuño
Concello A Coruña
Motivo Noite de san Xoán
Recoñecementos
  • Festa de Interese Turístico de Galicia (2000)
  • Festa de Interese Turístico Nacional (2003)
  • Festa de Interese Turístico Internacional (2015)

As fogueiras de san Xoán son un acontecemento que ten lugar na noite de san Xoán na Coruña, festividade declarada de interese turístico internacional.[1]

Historia[editar | editar a fonte]

Durante o século XIX a festa de san Xoán celebrábase na Coruña, ademais de con fogueiras, con verbenas e lanzando globos ao aire, costume que aínda seguía na década de 1930 na Cidade Vella e A Peixaría, mentres que as fogueiras se seguiron a realizar por toda a cidade, mais sen verbenas.[2] A principal festa celebrouse no Campo da Leña entre 1830 e principios do século XX.[3] A festa acababa o día 26 de xuño co ripote na subida á Torre de Hércules.[4]

Con todo, a festa de san Xoán na Coruña estaba en declive cando en xuño de 1970 se fundou a Comisión Promotora das Fogueiras de San Xoán da Coruña. Ese ano tivo lugar a primeira gran lumarada na avenida de Calvo Sotelo e a proclamación da primeira Meiga Maior, Estrella Pardo Castiñeiras.[5]

O ano seguinte a celebración tivo lugar na praza de Portugal e en 1992 trasladouse á praia de Riazor. A partir dese momento a festa foi crecendo ata que en abril de 2000 o consello da Xunta de Galicia a declarou Festa de Interese Turístico de Galicia. O 30 de xuño de 2003 foi declarada Festa de Interese Turístico Nacional e en maio de 2015 Festa de Interese Turístico Internacional.[5]

En 2014 o día 24 de xuño foi declarado por primeira vez festivo local.[6]

Galería de imaxes[editar | editar a fonte]

Notas[editar | editar a fonte]

  1. "Las Hogueras de San Juan de A Coruña, de Interés Turístico Internacional". Europapress (en castelán). 21 de maio de 2015. Consultado o 24 de outubro de 2015. 
  2. Eiroa, E. (17-5-2015). "La fiesta de San Juan rompe fronteras". La Voz de Galicia (en castelán) (A Coruña). Consultado o 20-5-2018. 
  3. Alfeirán, Xosé (25-6-2014). "Las verbenas de San Juan". La Voz de Galicia (en castelán) (A Coruña). Consultado o 20-5-2018. 
  4. Alfeirán, Xosé (18-1-2015). "San Ripote, el "merendiñas" coruñés". La Voz de Galicia (en castelán) (A Coruña). Consultado o 20-5-2018. 
  5. 5,0 5,1 "Un poco de historia de nuestra comisión promotora". Hogueras de San Juan. Consultado o 6 de decembro de 2015. 
  6. Gutiérrez, J. M. (25 de setembro de 2013). "San Juan será festivo local en A Coruña desde 2014". La Opinión de A Coruña (en castelán). Consultado o 6 de decembro de 2015. 

Véxase tamén[editar | editar a fonte]

Ligazóns externas[editar | editar a fonte]