Floyd Westerman

Floyd Westerman

Biografía
Nacemento	17 de agosto de 1936 Lake Traverse Indian Reservation, Estados Unidos de América (en)
Morte	13 de decembro de 2007 (71 anos) Os Ánxeles, Estados Unidos de América
Causa da morte	leucemia
Educación	Northern State University (en)
Actividade
Ocupación	cantante, compositor, actor, guitarrista
Período de actividade	1988 - 2007
Partido político	político independente
Xénero artístico	Música country
Carreira militar
Rama militar	Corpo de Marines dos Estados Unidos
Instrumento	Voz
Participou en
1976	Mariposa Folk Festival 1976 (en)
Páxina web	floydwesterman.com

Floyd "Red Crow" Westerman, tamén coñecido como Kanghi Duta ("Corvo vermello" en galego) nado en Dacota do Sur o 17 de agosto de 1936 e finado nos Ánxeles o 13 de decembro de 2007, foi un músico, político e actor síux. Despois dunha longa carreira como cantante de música country, nos derradeiros anos da súa vida, adicouse á interpretación, actuando en numerosos filmes de nativos americanos no cine e na televisión. Tamén traballou como político activista loitando polas causas dos nativos americanos.

Traxectoria

Antes de comezar a traballar no cine e na televisión, Westerman tiña unha gran reputación como cantante de country. Durante a súa carreira de músico, Westerman colaborou con Jackson Browne, Willie Nelson, Bonnie Raitt, Harry Belafonte, Joni Mitchell, Kris Kristofferson, e Buffy Sainte-Marie. Na década dos 1990s, cantou con Sting para recadar fondos para a conservación dos bosques primarios.

Westerman debutou no cinema en Renegades (1989), pero acadou maior sona no seu papel do "Xefe Dez Osos" en Dances with Wolves (1990), e no filme de Oliver Stone The Doors (1991). En setembro de 2007, Westerman remata o seu último traballo cinematográfico no filme Swing Vote (2008).

As súas aparicións en televisión inclúen o papel do "Tío Ray" en Walker, ranger de Texas, "O que agarda" en Northern Exposure, e múltiples aparicións como "Albert Hosteen" en The X-Files.

Westerman é recoñecido pola súa vocación política pola defensa das causas dos nativos americanos. El participou no American Indian Movement.

Filmografía

• Powwow Highway (1989; voz)
• Renegades (1989)
• Dances with Wolves (1990)
• Son of the Morning Star (1991)
• The Doors (1991)
• Clearcut (1991)
• Rio Shannon (1993)
• The Broken Chain (1993)
• Lakota Woman: Siege at Wounded Knee (1994)
• 500 Nations (voz; 1995)
• Buffalo Girls (1995)
• Siringo (1996)
• The Brave (1997)
• Dusting Cliff 7 (1997)
• Grey Owl (1998)
• Graduation Night (2003)
• Atlantis: Milo's Return (voz; 2003)
• Dreamkeeper (2003)
• Hidalgo (2004)
• Truth and Dare...
• Tillamook Treasure (2006)
• Comanche Moon (2008)
• Swing Vote (2008)