Fiona Apple McAfee Maggart, nada o 13 de setembro de 1977, é unha vocalista, compositora e pianista estadounidense. Apple conseguiu aclamación internacional en 1996 co seu álbum de estrea, Tidal, que foi todo un éxito comercial e de crítica. Gañou un premio Grammy á mellor interpretación vocal de rock feminina polo sinxelo "Criminal" en 1998. Despois de Tidal, Apple publicou os aclamados, aínda que con menos éxito comercial When the Pawn... (1999), Extraordinary Machine (2005) e The Idler Wheel... (2012). O estilo musical de Apple contén elementos do jazz e do rock alternativo.