Festival Internacional do Mundo Celta
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2016.) |
| Festival Internacional do Mundo Celta | |
|---|---|
| |
| Escenario principal no porto | |
| Localización | Ortigueira, Galicia  (España)
|
| Anos | 1978–1987, 1995–2019, 2022-presente |
| Nº edicións | 38 (até 2024) |
| Fundadores | Escola de gaitas de Ortigueira |
| Data | Catro días, na segunda fin de semana de xullo |
| Xénero | Folk |
| Organizador | Concello de Ortigueira |
| Web oficial | festivaldeortigueira |
| Na rede |     
|
O Festival Internacional do Mundo Celta de Ortigueira, coñecido tamén como Festival de Ortigueira, é un festival de balde de música tradicional folk dás nacións celtas, fundado en 1978 por persoal da Escola de gaitas de Ortigueira. Celebrase anualmente, agás entre 1988 e 1994 por variedade de dificultades, cada verán na segunda fin de semana de xullo na vila de Ortigueira, sita no norte da provincia coruñesa de Galicia(España).
É o meirande festival celta canto a número de asistentes de toda a Península Ibérica, con miles de asistentes en cada edición. No 2003 foi declarado festa de interese turístico nacional, e no 2005 foi declarado festa de interese turístico internacional. En 2022 foron Premio Martín Códax da Música.
Ó longo da súa historia pasaron polos seus escenarios os grupos e intérpretes máis significativos da música celta, así como da música popular e tradicional de Galicia e do noroeste de España.[1].
O escenario principal sitúase no porto, con actuacións de grupos de gran nivel e fama internacional. Así mesmo, dende a edición do 2000 ata o 2010 nos arredores do porto situábase un escenario menor no que se daban cita grupos noveis, chamado «Proxecto Runas». Cuxo gañador obtiña un premio económico e unha praza para actuar no escenario principal da edición do seguinte ano. Na actualidade o proxecto de novos grupos ten lugar no escenario principal na noite do xoves.
Na praia de Morouzos e no piñeiral habilítase o espazo para que acampe a xente que acode ao festival.
No 2020, a causa da pandemia do COVID-19, vironse obrigados suspendelo.[2][3][4] En 2021, por mor dunha nova onda da pandemia, tamén se pospuxo, co anuncio de co festival do 2022 sería o máis longo da historia, con oito días de duración.[5][6]
Historia e grupos participantes no Festival
[editar | editar a fonte]- Artigo principal: Lista de grupos que participaron no Festival de Ortigueira.
A historia do festival divídese en dúas etapas:
- Anos 1978 ‒ 1987: As dez primeiras edicións estiveron organizadas, xestionadas e promovidas por persoal da Escola de gaitas (Xabier Andrés Garrote Cobelo, José María Álvarez Marías, Álvaro Fernández Polo, Jesús Losada Otero e Francisco Bermúdez Garrote) e voluntarios da localidade; sen ningunha axuda institucional durante os seis primeiros anos, e coa colaboración —limitada— do concello de Ortigueira e da Xunta de Galicia nas catro últimas edicións desta primeira etapa. As actuacións musicais celebrábanse nun recinto valado ao que se accedía previo pago de entrada, pero a partir de 1985 pasou a ser totalmente gratuíto. As dificultades económicas, o cansazo dos organizadores, o declive de público e o escaso interese institucional motivaron a súa suspensión no ano 1988.
- Anos 1995 ‒ actualidade: Tras unha paréntese de sete anos o festival retornou en 1995 grazas ao apoio económico inicial da Xunta de Galicia, da Deputación da Coruña e, sobre todo, do goberno municipal de Ortigueira encabezado polo seu entón alcalde, Jesús Varela Martínez. O concello de Ortigueira relevou á Escola de gaitas nas tarefas de organización do festival e comezou a recibir financiamento de patrocinadores privados como Estrella Galicia, Gadisa, Coca Cola e Abanca, entre outros.
Entre os grupos que participaron nas distintas edicións do festival destacan grupos galegos como Milladoiro, Luar na Lubre ou Berrogüetto, ademais de grupos internacionais como The Chieftains, Alan Stivell ou Ialma.
Galería de imaxes
[editar | editar a fonte]- Artigo principal: Galería de imaxes do Festival Internacional do Mundo Celta de Ortigueira.
-
Desfile da Escola de gaitas de Ortigueira -
O ambiente festivo das rúas de Ortigueira -
Zona de acampada no piñeiral da praia de Ortigueira -
Zona de acampada no piñeiral da praia de Ortigueira -
Escenario principal -
Porto
Notas
[editar | editar a fonte]- ↑ "Dossier 2017" (PDF). Consultado o 18 de agosto de 2017.
- ↑ "Non haberá Festival de Ortigueira este ano, o próximo celebrarase do 14 ao 18 de xullo de 2021 con moitas novidades. – Festival de Ortigueira". Consultado o 2023-03-13.
- ↑ "El Mundo Celta de Ortigueira se cae de la agenda por la pandemia del coronavirus". La Voz de Galicia (en castelán). 2020-04-21. Consultado o 2023-03-13.
- ↑ "El Festival de Ortigueira 2020 no se celebrará | Música folk" (en castelán). 2020-04-20. Consultado o 2023-03-13.
- ↑ "O Festival Internacional do Mundo Celta de Ortigueira anuncia as datas de celebración da edición de 2022. O seus oito días de duración, do 10 ao 17 de xullo, convérteno no máis longo dos seus 43 anos de historia. – Festival de Ortigueira". Consultado o 2023-03-13.
- ↑ Muñoz, Beatriz (2021-04-17). "Adiós al metal del 'Resu' y al folk de Ortigueira en 2021: el segundo verano de la pandemia compromete los grandes festivales del noroeste". elDiario.es (en castelán). Consultado o 2023-03-13.