Ferzan Özpetek

Ferzan Özpetek
Nacemento	3 de febreiro de 1959
Lugar de nacemento	Istambul
Nacionalidade	Italia e Turquía
Alma máter	Accademia Nazionale d'Arte Drammatica Silvio D'Amico e Universidade de Roma La Sapienza
Ocupación	director de cinema, guionista, xornalista e director de ópera
Irmáns	Zeynep Aksu
Coñecido por	The Ignorant Fairies, La finestra di fronte, Hamam, Harem Suare, Napoli velata, Mine vaganti e Saturno contro
Premios	Globo d'oro for best direction, David di Donatello, sen etiquetar, Nastro d'Argento for Best Screenplay e Globo de ouro
Na rede
http://www.ferzanozpetek.com
[ editar datos en Wikidata ]

Ferzan Özpetek (á dereita) xunto con Giorgio Napolitano

Ferzan Özpetek, nado en Istambul o 3 de febreiro de 1959, é un director cinematográfico turco que vive e traballa en Italia dende finais dos anos setenta.

Traxectoria

Özpetek chegou a Italia como estudante universitario e estudou historia do Cinema na Universidade La Sapienza de Roma. Completou a súa formación frecuentando cursos de historia da Arte e da Moda na Accademia Navona e cursos de dirección na Accademia de Arte Dramática Silvio D'Amico. Conseguiu achegarse ao mundo do cinema e iniciou colaboracións como asistente e auxiliar de dirección de Massimo Troisi, Maurizio Ponzi, Ricky Tognazzi e Francesco Nuti.

O seu debut cinematográfico como director produciuse en 1997 co filme Il bagno turco (Hamam), que conseguiu un grande éxito de crítica e público. En 1999 realizou Harem Suare que, como no seu primeiro filme, fala do seu país natal. Nos seguintes anos gravou Le fate ignoranti e La finestra di fronte, os seus maiores éxitos, que lle proporcionaron moitos premios e recoñecementos.

Coa colaboración de Gianni Romoli e Tilde Corsi, realizou en 2005 Cuore Sacro. En 2007 publicou Saturno Contro, un filme caracterizado por ter un casting moi rico que inclúe actores do talle de Pierfrancesco Favino e Ambra Angiolini, ademais de Margherita Buy e Stefano Accorsi, cos que xa traballara en Le fate ignoranti.

Özpetek formou parte do xurando no Festival de Venecia do 2007 e recentemente rodou un anuncio para a AIRC, Associazione Italiana Ricerca sul Cancro, protagonizado por Isabella Ferrari. En 2008 fixo a adaptación cinematográfica da novela de Melania Gaia Mazzuco Un giorno perfetto.

Özpetek é un director abertamente gay e trata habitualmente a homosexualidade nos seus filmes. Este tema ten especial relevancia en Il bagno turco e Le fate ignoranti.

Filmografía

Asistente de director

• Il tenente dei carabinieri (1986)
• Il maestro del terrore (1988, TV)
• La Scorta (1993)
• Anche i commercialisti hanno un'anima (1994)
• Il Branco (1994)

Director

• Il Bagno Turco (Hamam, 1997)
• Harem Suare (1999)
• Le Fate Ignoranti (2001)
• La Finestra di Fronte (2003)
• Cuore Sacro (2005)
• Saturno contro (2007)
• Un giorno perfetto (2008)
• Mine vaganti (2010)

Premios

Estes son algúns dos premio obtidos por Ferzan Özpetek polos seus traballos:

• Finestra di Fronte:
  • Premio David di Donatello
    • Mellor filme
  • Scholars Jury Award
    • Mellor Dirección
  • Sindicato Nacional de Xornalistas de Cinema Italiano
    • Mellor historia orixinal (xunto con Gianni Romoli)
  • Karlovy Vary International Film Festival
    • Mellor Dirección
    • Crystal Globe para Ferzan Özpetek
  • Bangkok International Film Festival
    • Mellor filme
  • Foyle Film Festival
    • Mellor filme
  • Rehoboth Beach Independent Film Festival, Audience Award
    • Mellor filme
  • Seattle International Film Festival
    • Mellor filme
• Il Bagno Turco (Hamam)
  • Golden Orange (Antalya International Film Festival)
    • Mellor filme
    • Mellor dirección
  • Sindicato Nacional de Xornalistas de Cinema Italiano, Premio Silver Ribon
    • Mellor Produtor
• Le Fate Ignoranti
  • Austin Gay & Lesbian International Film Festival
    • Mellor Filme
  • New York Lesbian and Gay Film Festival
    • Mellor Filme