Fernando Zunzunegui
| Fernando Zunzunegui | |||
|---|---|---|---|
| Información persoal | |||
| Nacemento | 5 de outubro de 1943 | ||
| Lugar de nacemento | Vigo | ||
| Falecemento | 28 de agosto de 2014 | ||
| Lugar de falecemento | Madrid | ||
| Posición | defensa | ||
| [ editar datos en Wikidata ] | |||
Fernando Zunzunegui Rodríguez, nado en Vigo o 5 de outubro de 1943 e finado en Madrid o 28 de agosto de 2014[1], foi un futbolista galego que xogaba na demarcación de defensa.
Traxectoria[editar | editar a fonte]
Comezou a xogar no equipo xuvenil do Chao, pasando rapidamente ao Celta de Vigo. Nun primeiro momento foi cedido ao Turista, porén o xa internacional xuvenil foi repescado tendo aínda tempo a debutar co primeiro equipo esa mesma tempada. Pronto se fixo cun posto na defensa titular. A tempada 1964-1965 foi o seu ano máis completo no Celta pero tamén o último
Rematada a tempada comezaron a chegar ofertas polo defensa vigués, fichando finalmente polo Real Madrid o 17 de xuño de 1965 a cambio de millón e medio de pesetas e as cesións de Pedrito, Lavandera e Roberto. No equipo madrileño xogou durante seis tempadas en varias posicións, disputando un total de 76 encontros. A pesar da súa boa traxectoria sempre se lle recordará o autogol que anotou na final da Copa de 1968 que deu a vitoria ao FC Barcelona por 1-0.
No ano 1973 e despois de enfrontamentos co adestrador Miguel Muñoz marchou para o Levante UD a xogar en Segunda División.
Palmarés[editar | editar a fonte]
Notas[editar | editar a fonte]
- ↑ "Fallece Fernando Zunzunegui". Real Madrid CF (en castelán). 28 de agosto de 2014.
Véxase tamén[editar | editar a fonte]
Ligazóns externas[editar | editar a fonte]
- Marcos L. Bacariza (30 de setembro de 2009). "Zunzunegui". Yo jugué en el Celta (en castelán).
| Control de autoridades |
|
|---|
