Feira de Santana
| |||
| Estado | Baía | ||
| Superficie | 1338,14 km² | ||
| Poboación Densidade |
571 997 (2007) 419,6 hab/km² | ||
| Altitude | 234 msnm | ||
| Latitude | 12º16'00" S | ||
| Lonxitude | 38º58'00" O | ||
| Distancia de Salvador | 115 Km | ||
| Código postal (CEP) | 44000-000 | ||
| Administración local | Prefectura Municipal de Feira de Santana - Av. Senhor dos Passos 980 Centro | ||
| Internet | http://www.feiradesantana.ba.gov.br | ||
| Alcalde (Prefeito) | José Ronaldo de Carvalho | ||
| Mapa da cidade en Baía | |||
|---|---|---|---|
 | |||
Feira de Santana é un municipio brasileiro do estado de Baía, situado a 115 km da súa capital, Salvador, a cal se chega a través da estrada BR-324. Sitúase nunha das principais conexións de estradas do Nordeste brasileiro, onde converxen estradas que enlazan estados do Sur e do Centro Oeste do Brasil coa cidade de Salvador e con outras importantes cidades nordestinas. Ademais é porta de entrada para o sertão, a zona de clima semi-árido do estado.
Grazas a esa localización privilexiada e á distancia relativamente pequena de Salvador, posúe un importante e diversificado sector de comercio e servizos, ademais de industrias de transformación (algodón, téxtil, alimentos, bebidas, metalurxia, e dous centros industriais con empresas diversas), unha a Universidade (Universidade Estatal de Feira de Santana, con 21 cursos), e tres institucións de ensino superior particulares [cando?].
Como reclamos turísticos, posúe predios históricos, como a Igrexa de Nosa Señora dos Remedios (que presume ser de fins do século XVII), museos, 4 teatros, un observatorio astronómico, e as seguintes festas e eventos:
- Micareta: unha especie de Entroido realizado despois da Pascua
- Exposición Agropecuaria (EXPOFEIRA) no mes de setembro
- As Festas Juninas (que celebran santos populares: Santo Antonio, San Xoán Bautista e San Pedro e ocorren no mes de xuño) dos distritos de São José e de São Pedro dos Humildes
- a Camiñada pola Paz, realizada no mes de marzo de cada ano
- a Festa do Caminhoneiro (caminhoneiro = condutor de camión) realizada no mes de novembro, con shows musicais e xogos.
