Faro de Punta Nariga

Coordenadas: 43°19′15″N 8°54′36″O / 43.32074, -8.910121

Faro de Punta Nariga

Datos xerais
Localización xeográfica	Cabo de Punta Nariga
Faro de Punta Nariga
Localización municipal	Malpica de Bergantiños, Provincia da Coruña
Construción	1988
Datos técnicos
Código internacional	03735
Descrición	Torre cilíndrica, Cantaría sobre edificio gris
Altura sobre o nivel do mar	55 metros
Altura sobre o terreo	39 metros
Características	GpD (2+2) B 20 seg.
Período	0,1 + 2,4 + 0,1 +2,4 +0,1 + 7,4 + 0,1 + 7,4 = 20 seg.
Alcance	22 millas náuticas

O faro de Punta Nariga é un faro situado en Malpica de Bergantiños, construído en 1998. Ten un alcance de 22 millas náuticas e é de luz branca sobre unha torre cilíndrica de cantaría e de 39 metros de altura. O cilindro da torre está construído con granito do Porriño.

Está situado entre a punta do Roncudo (ao suroeste) e as illas Sisargas e o cabo de Santo Adrián (ao nordeste). Foi construído en base ao deseño do arquitecto César Portela. A súa forma triangular divide os seus vértices facendo que cada un deles cobre particular significado. O nordés penetra na rocha coma se formase parte dela, mentres que o sueste aseméllase ao baluarte dunha fortaleza. O orientado ao oeste, preséntase como a proa dun barco que suca as augas, coroada por unha escultura de bronce. Trátase dunha particular estatua do artista Manolo Coia, tallada en 1994, cuxa figura debátese entre o humano e a forma dunha gaivota como unha ave a piques de voar.