Fanny

Na Galipedia, a Wikipedia en galego.
Saltar ata a navegación Saltar á procura
Fanny
OrixeOs Ánxeles, California, Flag of the United States.svg
Período1969 - 1975
Xénero(s)rock, hard rock
Selo(s) discográfico(s)Reprise Records, Casablanca Records
MembrosJune Millington
Jean Millington
Alice de Buhr
Nickey Barclay
Patti Quatro
Brie Brandt
Cam Davis

Fanny foi unha banda de música rock estadounidense activa a principios dos anos 70. Foi unha das primeiras bandas de mulleres de rock en conseguir éxito da crítica e de vendas, incluídos dous sinxelos no top 40 da lista Billboard Hot 100.[1]

O grupo foi fundado pola guitarrista June Millington e a súa irmá, a baixista Jean, que levaban tocando xuntas dende que se mudaran de Filipinas a California a principios dos anos 60. Tras tocar con distintas formacións, chamaron a atención do produtor Richard Perry quen as fichou para Reprise Records en 1969 como Fanny. A banda gravou catro álbums antes de que June Millington deixase o grupo, facendo que a formación orixinal se separase en 1975 tras derradeiro álbum. As irmás Millington continuaron tocando xuntas dende a separación e xunto coa bateríaBrie Howard Darling formaron o grupo spin-off Fanny Walked the Earth en 2018.[1]

O grupo continuou atraendo a aclamación da crítica por rexeitar os típicos estilos dun conxunto musical de mulleres e as expectativas que se tiñan sobre as mulleres na industria do rock, e enfatizando as súas habilidades musicais. Grupos posteriores como The Bangles e The Runaways, citaron a Fanny como unha importante influencia.[1]

Discografía[editar | editar a fonte]

Álbums[editar | editar a fonte]

Álbum Ano Selo
Fanny 1970 Reprise Records
Charity Ball 1971 Reprise Records
Fanny Hill 1972 Reprise Records
Mother's Pride 1973 Reprise Records
Rock and Roll Survivors 1974 Casablanca
Fanny Walked the Earth 2018 Blue Élan Records

Notas[editar | editar a fonte]

  1. 1,0 1,1 1,2 "Fanny (2)". Discogs (en inglés). Consultado o 2019-11-27.