O Exército de Terra de Azerbaidján (en azerí: Azərbaycan Silahlı Qüvvələri Quru Qoşunları) e a rama terrestre das Forzas Armadas de República de Azerbaidján.[1][2] Conxuntamente coa Armada e o Exército do Aire, o exército serve, principalmente, como forza de autodefensa para protexer a integridade territorial do país e fornecer tanto asistencia humanitaria como seguranza no territorio estatal e no estranxeiro. Actualmente[cando?] o Exército de Terra de Azerbaidján conta con aproximadamente 57.000 efectivos, así como 15.000 reservistas.[Cómpre referencia] O exército está equipado con armas de fogo, artillaría, artillaría antiaérea, morteiros, carros, vehículos blindados de combate (Transportes blindados de persoal (APC) e Vehículos de combate de infantaría (IFV)) e outros equipos.[3] Este exército foi creado en 1918, pero a súa formación actual só foi creado en 1992. O exército foi creado por primeira vez en 1918, cando a República Democrática de Azerbaidján conseguiu a súa independencia do Imperio Ruso durante a Revolución e a seguinte guerra civil. O exército durou ata 1920, ano en que o país foi anexionado pola Unión Soviética. O exército foi restablecido cando Azerbaidján se tornou independente trala disolución da Unión Soviética.[4]
