Evangelion: 1.0 You Are (Not) Alone

Evangelion: 1.0 You Are (Not) Alone
Logo do filme.
Ficha técnica
Título orixinal	ヱヴァンゲリヲン新劇場版: 序
Director	Hideaki Anno Masayuki Kazuya Tsurumaki
Guión	Hideaki Anno
Baseado en	Neon Genesis Evangelion de Hideaki Anno
Intérpretes	Megumi Ogata Megumi Hayashibara Kotono Mitsuishi Yuriko Yamaguchi Fumihiko Tachiki Motomu Kiyokawa
Música	Shirō Sagisu
Fotografía	Susumu Fukushi
Montaxe	Hiroshi Okuda
Estudio	Studio Khara
Distribuidora	The KlockWorx
Estrea	1 de setembro de 2007
Duración	98 minutos
Orixe	Xapón
Xénero	Animación
Recadación	20 millóns de dólares
Filme seguinte	Evangelion: 2.0 You Can (Not) Advance
Na rede
https://www.evangelion.co.jp/1_0/index.html

Evangelion: 1.0 You Are (Not) Alone. (ヱヴァンゲリヲン新劇場版: 序, Evangerion Shin Gekijōban: Jo) é un filme xaponés de 2007 de animación e ciencia ficción escrito e dirixido por Hideaki Anno. É o primeiro título da tetraloxía Rebuild of Evangelion, baseada na serie de televisión Neon Genesis Evangelion. A historia, que está ambientada na cidade futurista de Tokyo-3 quince anos despois dunha catástrofe planetaria coñecida como o Segundo Impacto, céntrase en Shinji Ikari, un rapaz que é recrutado pola axencia especial Nerv para pilotar un mecha xigante coñecido como Eva, e loitar xunto coa súa compañeira piloto Rei Ayanami contra unha especie de monstros misteriosos coñecidos como Anxos. O filme conta co mesmo elenco de actores de voz da serie orixinal, incluíndo Megumi Ogata como Shinji Ikari, Megumi Hayashibara como Rei Ayanami e Kotono Mitsuishi como Misato Katsuragi.

Evangelion: 1.0 foi concibido como a primeira entrega dun remake en tres partes de Neon Genesis Evangelion cunhas cento cincuenta novas tomas; porén, durante a produción o persoal non puido reutilizar os debuxos orixinais da serie e tivo que comezar a produción dende cero. A medida que avanzaba a produción, o proxecto comezou a desviarse da serie orixinal, introducindo diferenzas na trama e na caracterización dos personaxes. Hideaki Anno uniuse na dirección por Kazuya Tsurumaki e Masayuki, ambos os dous foron axudantes de dirección da serie orixinal. Os guións gráficos foron creados por Shinji Higuchi e Tomoki Kyoda.

O filme, que repasa a trama dos seis primeiros episodios da serie, tivo unha acollida positiva no Xapón, recadando preto de dous mil millóns de iens e xerando ingresos considerables para o mercado do vídeo de conssumo doméstico. No estranxeiro, Evangelion: 1.0 tivo unha recepción máis polarizada, aínda que positiva en xeral; os críticos describírono como demasiado derivado da serie clásica e afirmaron que recortou detalles importantes, mentres que outros eloxiaron a súa dirección, banda sonora e trama, con especial atención ao seu uso dos gráficos CGI. A longametraxe tamén gañou recoñecementos, recibindo premios, entre outros, na Animation Kobe e Tokyo International Anime Fair.

Personaxes

Personaxes	Voz xaponesa
Shinji Ikari (碇 シンジ, Ikari Shinji)	Megumi Ogata
Misato Katsuragi (葛城 ミサト, Katsuragi Misato)	Kotono Mitsuishi
Gendo Ikari (碇 ゲンドウ, Ikari Gendō)	Fumihiko Tachiki
Rei Ayanami (綾波 レイ, Ayanami Rei)	Megumi Hayashibara
Ritsuko Akagi (赤木 リツコ, Akagi Ritsuko)	Yuriko Yamaguchi
Kaworu Nagisa (渚 カヲル, Nagisa Kaoru)	Akira Ishida
Kozo Fuyutsuki (冬月 コウゾウ, Fuyutsuki Kōzō)	Motomu Kiyokawa
Maya Ibuki (伊吹 マヤ, Ibuki Maya)	Miki Nagasawa
Shigeru Aoba (青葉 シゲル, Aoba Shigeru)	Takehito Koyasu
Makoto Hyuga (日向 マコト, Hyūga Makoto)	Hiro Yuuki
Toji Suzuhara (鈴原 トウジ, Suzuhara Tōji)	Tomokazu Seki
Kensuke Aida (相田 ケンスケ, Aida Kensuke)	Tetsuya Iwanaga
Hikari Horaki (洞木 ヒカリ, Horaki Hikari)	Junko Iwao
Keel Lorenz (キール・ローレンツ, Kīru Rōrentsu)	Mugihito
Yui Ikari (碇 ユイ, Ikari Yui)	Megumi Hayashibara

Véxase tamén

Bibliografía

• Kadokawa Shoten (2007). ヱヴァンゲリヲン新劇場版:序 ENTRY FILE 1 (en xaponés). ISBN 978-4-04-854119-0. 
• Khara (2008). ヱヴァンゲリヲン新劇場版:序 全記録全集 (en xaponés). 
• Ashby, Madeline (2010). "Epic Fail: Still Dreary, after All These Years". En Lunning, Frenchy. Mechademia 5: Fanthropologies. Minneapolis: University of Minnesota Press. pp. 348–349. ISBN 978-0-8166-7387-2. 
• LaMarre, Thomas (2010). "The Rebuild of Anime". En Lunning, Frenchy. Mechademia 5: Fanthropologies. Minneapolis: University of Minnesota Press. pp. 349–353. ISBN 978-0-8166-7387-2. 
• Malone, Paul M. (2010). "Cruel Angels? Cruel Fathers!". En Lunning, Frenchy. Mechademia 5: Fanthropologies. Minneapolis: University of Minnesota Press. pp. 346–348. ISBN 978-0-8166-7387-2. 
• Khara (2010). ヱヴァンゲリヲン新劇場版：破 全記録全集 (en xaponés). Ground Works. ISBN 978-4-905033-00-4. 
• Khara (2012). ヱヴァンゲリヲン新劇場版:Q 記録集 (en xaponés).