Evangelina Jaso González

Retrato de familia dos Jaso: Enrique Jaso Paz (sentado no chan); Josefa Martínez San Juan (sentada na cadeira); a filla máis vella, Evangelina Jaso González, con cabeleira; o rapaz, Enrique Jaso González (ambos os dous son o froito do primeiro matrimonio do pai); outra nena máis nova, Josefita (no chan, acariñando ao can); e Loliña, no colo da nai.

Evangelina Jaso González, nada en Vigo en 1909 e finada en Tui o 24 de abril de 1937, foi unha republicana galega.

Traxectoria

Filla de Enrique Jaso Paz. Coa sublevación do 18 de xullo de 1936 o seu marido, José Alonso Martínez foi detido e executado así como o seu pai e o seu irmán Enrique Jaso González. Evangelina ocultou na casa a tres veciños de Porriño: Herminio Saavedra e os irmáns Eduardo e Rogelio Fernández Miniño. Detida, foi xulgada e condenada a pena de morte. Foi executada con Herminio Saavedra o 24 de abril de 1937. Eduardo e Rogelio conseguiron escapar, pero foron asasinados en 1938.

Véxase tamén

Bibliografía

• Marco, Aurora (2007). Dicionario de Mulleres Galegas. Edicións A Nosa Terra. p. 221. ISBN 978-84-8341-146-9. 

Ligazóns externas

• Ficha en Nomes e Voces
• Marga do Val: Fulgor e morte de Evangelina Jaso