Eudosia Lorenzo Diz
| Biografía | |
|---|---|
| Nacemento | 14 de agosto de 1917  Fradalvite, España |
| Morte | 16 de decembro de 2004 (87 anos) Reunión, Francia |
| Datos persoais | |
| País de nacionalidade | España |
| Actividade | |
| Ocupación | mestra |
| Lingua | Lingua castelá |
Eudosia Lorenzo Diz, nada en Fradalvite (Lobeira) o 14 de agosto de 1917 e finada no Departamento de Reunión o 16 de decembro de 2004, foi unha mestra galega.
Traxectoria[editar | editar a fonte]
Filla de Agustín Lorenzo Puga e Basilisa Diz González. Dende 1923 foi á escola da aldea de Chaos de Limia. Ingresou na Normal de Ourense en 1931 e rematou a carreira de mestre en 1935. Exerceu como mestra en San Xes de Vilariño. Co golpe de Estado do 18 de xullo de 1936 agochouse o 20 xullo nas terras de Castro Laboreiro coa súa familia. Dous anos despois, o 29 de xullo de 1938, fuxiron para evitar ser executados polos falanxistas. Foi expulsada de Portugal o 10 de agosto. Estivo exiliada en Marrocos mais de 25 anos, onde casou cun francés en xuño de 1943.
En 1965 a familia emigrou a Aix-en-Provence, preto de Marsella. Despois da morte do seu home en 1992, continuou a vida cos fillos en Grenoble e Alfortville (París) e posteriormente no departamento de Reunión onde morreu en decembro de 2004. En 1999 foi reintegrada no maxisterio.
Notas[editar | editar a fonte]
Véxase tamén[editar | editar a fonte]
Bibliografía[editar | editar a fonte]
- Morais, Carlos; Féron Lorenzo, Paul (2020). Eudosia Lorenzo Diz, a jovem mestra do Val do Límia. Umha aproximaçom biográfica. Comité pola Memória Histórica do Val do Límia.
- Le parcours d'Eudosia Lorenzo Diz et de ses parents refugiés et cachés au Portugal de 1936 à 1938. (en francés)