Unha espulla, tamén chamada espunlla, burra ou verruga,[1] é unha pequena excrecencia da pel, dura e rugosa. Aparecen nas mans ou nos pés, pero a miúdo noutras partes do corpo. As espullas están causadas por unha infección viral, especificamente por un dos moitos tipos de virus do papiloma humano (VPH). Existen até 10 variedades de espullas, sendo a máis común a considerada como menos daniña. É posible infectarse das espullas doutros, xa que son contaxiosas e adoitan entrar no corpo por unha área de pel morta.[2]
