Ten unha formación clásica e ten un rango vocal de mezzo-soprano. Amos orixinalmente serviu como vocalista principal do grupo de synthpop dos 80 Y Kant Tori Read, e como artista en solitario estivo á fronte dun bo número de mulleres cantautoras de principios dos 90. Tamén destacou ao principio da súa carreira en solitario por ser unha das poucas intérpretes de rock alternativo en usar o piano como o seu instrumento principal. Entre algúns dos seus sinxelos máis soados están "Crucify", "Silent All These Years", "God", "Cornflake Girl", "Caught a Lite Sneeze", "Professional Widow", "Spark", "1000 Oceans" e "A Sorta Fairytale", o seu éxito máis comercial nos Estados Unidos ata a data.
.jpg)
