Barrantes, Tomiño

Para outras páxinas con títulos homónimos véxase: Barrantes.

Barrantes
Igrexa de San Vicente de Barrantes.
Concello	Tomiño
Provincia	Pontevedra
Coordenadas	42°01′31″N 8°46′41″O
Poboación	877 hab. (2022)
Entidades de poboación	10
[ editar datos en Wikidata ]

San Vicente de Barrantes é unha parroquia do concello de Tomiño na provincia de Pontevedra. Segundo o IGE, en 2022 tiña 877 habitantes (451 homes e 426 mulleres). Eclesiasticamente, pertence ó arciprestado da Guarda-Tebra, na diocese de Tui-Vigo.

Patrimonio

A igrexa parroquial de San Vicente é de orixe románica, é formou parte do mosteiro de San Salvador de Barrantes, fundado na terceira década do século XII.

De sur a norte, nesta parroquia se atopan:

• contra o Alto da Pedrada (516 metros de altitude, que fai de divisoria entre esta parroquia, a de Tomiño e a de Burgueira, Oia no concello de Oia) as mámoas de Monte Pedrada e o xacemento medieval da Madanela no propio curuto;
• a necrópole medieval de Roteavella e o Outeiro do Castro antes de Cristelos;
• as mámoas dos Curros, as mámoas de san Xinés, os petróglifos das Tomadas do Vinculado e a mámoa do Alto da Cruz na estrema oriental con Burgueira, Oia;
• a mámoa do Cerro da Veiguiñas onda Vilachán do Monte;
• e máis ó norte os petróglifos da Rochiña.

Música

A Banda de Gaitas de San Vicente de Barrantes, dirixida por Hipólito Cabezas, gañou a XVIII Liga Galega de Bandas de Gaitas.

Festas

Celébranse tres festas: a de San Xosé Obreiro, o 30 de abril e 1 de maio, a romaría de Grixó, o terceiro domingo de agosto, e a festa de San Miguel, o 29 de setembro.

No monte da Pedrada, o cumio máis alto do concello, celébrase en xullo unha romaría na honra da virxe da Magdalena.

Galería de imaxes

• 
  Cruceiro no adro da igrexa de San Vicente de Barrantes.

Véxase tamén

Outros artigos

• Lugares de Tomiño