Leopoldo García Durán

Leopoldo García Durán, retrato en Vida Gallega, 1933.

Leopoldo García Durán, nado nas Neves o 15 de novembro de 1882 e finado en 1966, foi un avogado e político galego.

Traxectoria

Fillo de Manuel García Golmar. Estudou o bacharelato no colexio dos Escolapios de Celanova e fixo a carreira de Dereito na Universidade Central de Madrid. Traballou no bufete do Conde de Bugallal e foi nomeado fiscal da Audiencia de Madrid. Formou parte do Consello de Administración de Ferrocarriles Estratégicos y Secundarios de Alacant. Membro do Partido Conservador, foi elixido deputado polo distrito de Alacant nas eleccións de 1914 "encasillado" por José Sánchez Guerra, Ministro da Gobernación. Posteriormente foi deputado polo distrito do Carballiño nas eleccións de 1916, 1918, 1920 (esta disputada e protestada por José Calvo Sotelo) e 1923. En 1916 o órgano conservador (bugallalista) Ecos del Arenteiro do Carballiño dedícalle un número especial de homenaxe:

Los distritos, al igual que las agrupaciones, las familias y sociedades, necesitan para su gobierno de un jefe que los dirija y los represente, que los defienda y los proteja, y ese jefe, ha de ser tanto más bueno, tanto más activo, tanto más celoso, cuánto sus socios, sus hijos o agrupados, lo merezcan y lo sean también.

O 4 de abril de 1922 foi nomeado Director Xeral de Prisións, posto que permaneceu ata o 11 de decembro dese ano. Durante a República foi presidente da Federación Nacional de Fútbol (1931–1936).

Véxase tamén

Ligazóns externas

• Biografías de políticos valencianos
• Ficha no Congreso dos Deputados
• El caciquismo adaptativo: Poder político, movilización social y opinión pública en la Galicia rural de la Restauración