Médico de cabeceira

Francisco Vallés (Divino Vallés) médico persoal de Filipe II.

O termo médico de cabeceira fai referencia a un tipo de exercicio do medicina, a atención primaria, que está instalada tanto no medio rural como urbano. É un profesional sanitario que exerce nun centro de saúde ou nun consultorio; sendo o médico máis próximo a unha determinada poboación e, en moitas ocasións, o único facultativo dispoñible para os seus habitantes.

Segundo a WONCA, o médico xeral/de familia é o "médico que ofrece ós individuos e familias atención sanitaria persoal, primaria, continua e integral".

Valores e misión

Edward Jenner médico rural inglés descubridor da vacina contra as vexigas ou antivariólica.

A actividade sanitaria busca alongar a vida, evitar o sufrimento e axudar a morrer con dignidade.

Valores xerais da atención clínica

1. A dignidade no trato co paciente e os seus familiares
2. A cortesía e empatía na entrevista clínica
3. A calidade científica, técnica e humana
4. O compromiso de seguimento da dor e do sufrimento
5. O mantemento e a mellora de habilidades, coñecementos e actitudes dos profesionais
6. O uso adecuado dos recursos.

Con iso lógrase unha atención clínica efectiva que facilita unha política sanitaria de prestación de servizos segundo necesidades de pacientes e poboacións.