Árni Magnússon

Árni Magnússon (ou Arne Magnussen en danés) (1663 - 1730) foi un investigador islandés, considerado un dos herois nacionais de Islandia.

Neto e fillo de pastores luteranos, en 1782 marchou a Copenhaguen para estudar na universidade, ao rematar converteuse en axudante de Thomas Bartholin, o anticuario real. Entre 1695 e 1697 viaxa por Alemaña e nese ano aséntase definitivamente na capital dinamarquesa. Foi profesor da Universidade de Copenhaguen dende 1701. Entre 1703 e 1713 estivo en Islandia como membro da Comisión Real encargada de mellorar as condicións dos islandeses e de realizar o censo. Magnússon recolleu 2.000 documentos medievais islandeses no coñecido como Códice Arnamagnæan, o máis antigo deles do século XII.