As Oiras, Alfoz

As Oiras
Igrexa de San Mamede das Oiras.
Concello	Alfoz
Coordenadas	43°29′00″N 7°26′00″O
Área	8,57 km²
Poboación	110 hab. (2004)
Densidade	12,84 hab./km²
Entidades de poboación	15
[ editar datos en Wikidata ]

San Mamede das Oiras é unha freguesía do concello de Alfoz. Está limitada polas freguesías de Lagoa ao norte; O Pereiro e Figueiras (do concello de Mondoñedo) ao sur; Adelán e Figueiras ao leste e O Pereiro ao oeste. En 2004 tiña 110 habitantes distribuídos en 15 entidades de poboación e 3 lugares; a densidade media é de 12,8 hab/Km². A parroquia pertenceu ao antigo Decanato da Mariña. O seu curato era "de entrada", dotado con 640 reais anuais de renda e de Padroado Real.

Xeografía

As entidades de poboacion son as seguintes: Aguillón (12), Arriba do Río (5), O Cabradoiro (4), A Igrexa (7), Insua Nova (17), Insua Vella (1), O Pazo (1), O Rego do Aro (12), A Ribeira (1), O Río das Donas (5), A Rúa de Escourido (2), A Rúa (19), Sesín (9), A Trabada (3) e O Xogral (12).

Os lugares (que xeralmente forman parte de algunhas das entidades) son: As Airas, O Leboreiro e A Pena Mosqueira.

Situacion xeográfica da capital parroquial

• Latitude: 43º 29'
• Lonxitude: 7º 26'
• Superficie: 8,57 Km²

Patrimonio

• A Igrexa parroquial de San Mamede das Oiras, situada na aldea da Igrexa. Trátase dun templo reconstruído a comezos do século XX, é de estilo neogótico, cunha soa nave e sancristía situada ao carón da capela maior. Sobre a fachada principal hai unha torre. No interior consérvase un retablo do século XVIII que provén da catedral de Mondoñedo.

• O Cruceiro das Oiras é un dos numerosos cruceiros da comarca, pero, a diferenza destes é que data do século XIX. Está realizado en granito, ten unha cruz que presenta no anverso un Cristo crucificado, e no reverso a Virxe Dolorosa. O capitel ten forma de tronco piramidal, con decoración de volutas. O fuste é octogonal co pedestal cúbico.

Galería de imaxes

• 
  As nove parroquias que conforman o concello de Alfoz.

Véxase tamén

Outros artigos

• Lugares de Alfoz