As Oiras, Alfoz

Na Galipedia, a Wikipedia en galego.
Saltar ata a navegación Saltar á busca

Coordenadas: 43°29′N 07°26′O / 43.483, -7.433

As Oiras
IgrexaAsOiras.JPG
Igrexa de San Mamede das Oiras.
Parroquia das Oiras do concello de Alfoz.png
Concello Alfoz
Área 8,57 km²
Poboación 80 hab. (2014)
Densidade 9,33 hab./km²
Entidades de poboación 15

San Mamede das Oiras é unha freguesía do concello de Alfoz. En 2004 tiña 110 habitantes distribuídos en 15 entidades de poboación e 3 lugares, cunha densidade de 12,8 hab./km². Segundo o IGE, no 2014 a súa poboación descendera ata os 80 habitantes, sendo 36 homes e 44 mulleres.

Ten unha superficie de 8,57 km². Limitada ao norte coa parroquia de Lagoa, ao sur coas do Pereiro e Figueiras (do concello de Mondoñedo), aoo leste con Adelán e Figueiras, e ao oeste co Pereiro.

Patrimonio[editar | editar a fonte]

A parroquia pertenceu ao antigo Decanato da Mariña. O seu curato era "de entrada", dotado con 640 reais anuais de renda e de Padroado Real.

A igrexa parroquial de San Mamede das Oiras está situada na aldea da Igrexa. Trátase dun templo reconstruído a comezos do século XX, é de estilo neogótico, cunha soa nave e sancristía situada ao carón da capela maior. Sobre a fachada principal hai unha torre. No interior consérvase un retablo do século XVIII que provén da catedral de Mondoñedo.

O cruceiro das Oiras é un dos numerosos cruceiros da comarca. Do século XIX, está realizado en granito, ten unha cruz que presenta no anverso un Cristo crucificado, e no reverso a Virxe Dolorosa. O capitel ten forma de tronco piramidal, con decoración de volutas. O fuste é octogonal co pedestal cúbico.

Lugares e parroquias[editar | editar a fonte]

Lugares das Oiras[editar | editar a fonte]

Lugares da parroquia das Oiras no concello de Alfoz (Lugo)

Aguillón | Arriba do Río | O Cabradoiro | A Igrexa | Insua Nova | Insua Vella | O Pazo | Rego do Aro | A Ribeira | Río das Donas | A Rúa de Escourido | A Rúa | Sesín | A Trabada | O Xogral

Parroquias de Alfoz[editar | editar a fonte]

Galicia | Provincia de Lugo | Parroquias de Alfoz

Adelán (Santiago) | Bacoi (Santa María) | Carballido (San Sebastián) | O Castro de Ouro (San Salvador) | Lagoa (San Vicente) | Mor (San Pedro) | As Oiras (San Mamede) | O Pereiro (Santa María) | O Reirado (Santa María)


Véxase tamén[editar | editar a fonte]

Outros artigos[editar | editar a fonte]