Boeing 787

Boeing 787
Primeiro Boeing 787 na súa saída da fábrica
Tipo	pasaxeiros
Fabricante	Boeing
Primeiro voo	15 de decembro do 2009

O Boeing 787 (tamén chamado Dreamliner) é un avión de pasaxeiros bimotor, de tamaño medio, fuselaxe ancha e longo alcance que actualmente está desenvolvendo Boeing. Na actualidade está realizando voos de proba e estanse a fabricar os primeiros exemplares. Pode transportar entre 210 e 330 pasaxeiros, dependendo da configuración de asentos, e ademais está deseñado para ser máis eficiente no uso de combustible que outros avións. O Boeing 787 será o primeiro avión en usar composites na meirande parte da súa construción.

A súa designación inicial de 7E7 foi cambiada a 787 en xaneiro do 2006, e o primeiro exemplar foi presentado nunha cerimonia celebrada o 8 de xullo do 2007, na fábrica de Boeing en Everett, Washington, momento no cal xa se convertera no avión de fuselaxe ancha máis vendido na historia con 677 pedidos. En febreiro do 2011, 847 Boeing 787s foran encargados por 56 clientes.