Ernesto X. González Seoane
| Biografía | |
|---|---|
| Nacemento | 1962  (62/63 anos)O Porto do Barqueiro, España |
| Educación | Universidade de Santiago de Compostela - Doutor en filosofía (–1992) Universidade de Santiago de Compostela - Licenciatura (1980–1985) |
| Director de tese | Manuel González González |
| Actividade | |
| Ocupación | lingüista, investigador |
| Empregador | Universidade de Santiago de Compostela (1990–) |
| Membro de | |
    | |
Ernesto Xosé González Seoane, nado no Porto do Barqueiro (Mañón)[1] en 1962, é un lingüista galego, foi director do Instituto da Lingua Galega e académico da Real Academia Galega dende 2025.
Traxectoria
[editar | editar a fonte]En 1985 licenciouse en filoloxía hispánica pola Universidade de Santiago de Compostela. En 1992 doutorouse coa tese A ortografía e a gramática do galego nos estudios gramaticais do s. XIX e primeiros anos do XX, coa que logrou o premio extraordinario de doutoramento.[2] Profesor e máis tarde catedrático do departamento de filoloxía galega da USC, foi decano da facultade de filoloxía (2004-2012) e vicerretor de Profesorado.[3] Dirixiu o Dicionario de dicionarios do galego medieval e editou obras de Castelao e Ramón Otero Pedrayo. Entre 2013[4] e 2018 dirixiu o Instituto da Lingua Galega.
Realizou estadías docentes e científicas na City University of New York, a Universidad de Buenos Aires e a Georgetown University. Participa activamente no desenvolvemento do Tesouro do léxico patrimonial galego e portugués.[5]
Ten colaborado en Revista internacional de lingüística iberoamericana, Boletín da Real Academia Galega, Grial: revista galega de cultura, A Trabe de ouro: publicación galega de pensamento crítico e Cadernos de lingua.
Foi elixido membro correspondente da Real Academia Galega en 2004.[6] Dúas décadas máis tarde, en outubro de 2025, foi escollido[7] polo plenario como académico de pleno dereito, en substitución do finado de Bernardino Graña.
Obras colectivas
[editar | editar a fonte]- Entre a vendima e a castañeira de Ramón Otero Pedrayo (1999). Editor.
- Dicionario de dicionarios do galego medieval (2006). Director.
- A estandarización do léxico (2003). Coeditor con María Álvarez de la Granja.
- A lexicografía galega moderna. Recursos e perspectivas (2008). Coeditor con Antón Santamarina e con Xavier Varela.
- Lexicografía de las lenguas románicas (2014). Coeditor.
- Léxico dialectal y lexicografía en la Iberorromania, Calen barbas, falen cartas. A escrita en galego na Idade Moderna (2020). Coeditor.
- Manual of Galician Linguistics (2025).Coeditor
Notas
[editar | editar a fonte]- ↑ "González Seoane, Ernesto". Editorial Galaxia. Consultado o 2025-10-14.
- ↑ "ERNESTO XOSE GONZALEZ SEOANE - Universidade de Santiago de Compostela". investigacion.usc.gal. Consultado o 2025-10-14.
- ↑ "A RAG elixe a Ernesto González Seoane académico de número e a Xosé M.ª Gómez Clemente correspondente". Real Academia Galega. 2025-10-11. Consultado o 2025-10-14.
- ↑ "Ernesto González Seoane: «A situación do idioma galego é manifestamente mellorable»", La Voz de Galicia, 26 de marzo de 2013
- ↑ editor.raquel.vila (2013-11-17). "Ernesto X. González Seoane". Instituto da Lingua Galega (en castelán). Consultado o 2025-10-14.
- ↑ Membros corespondentes da RAG
- ↑ "El catedrático de Filoloxía Galega e Portuguesa Ernesto González Seoane, nuevo académico de la RAG". El Correo Gallego (en castelán). 2025-10-11. Consultado o 2025-10-11.
