Equipo Crónica

Equipo Crónica

Biografía
Grupo	colectivo de artistas
Juan Antonio Toledo (pt) (Valencia, 1940 - Valencia, 3 de outubro de 1995). Pintor Rafael Solbes (pt) (Valencia, 1940 - Valencia, 10 de novembro de 1981). Pintor Manolo Valdés (Valencia, 8 de marzo de 1942 - ). Pintor
Actividade
Movemento	Arte pop

O Equipo Crónica ou Crónicas de la realidad foi un grupo de pintores creado en Valencia que estivo activo entre 1965 e 1981, data esta última na que finou Rafael Solbes. Foi fundado por Manolo Valdés, Rafael Solbes e Juan Antonio Toledo, malia que este último desligouse pronto do grupo.

O Equipo Crónica afastouse da arte informal para cultivar unha pintura figurativa dentro da tendencia Pop Art. Analizaba criticamente a situación política de España e a historia da arte. Inspirouse nas obras clásicas coma o Guernica de Picasso ou As Meninas de Velázquez.

A súa mestura é única: un pouco realista, un pouco crítica, bastante pop, con citas pictóricas, anacronismos e pastiches agridoces. Todo iso con bastante entusiasmo pero pouca ledicia, xa que a sombra do franquismo está presente en toda a súa obra. As súas pinturas e serigrafías parodiaron os retratos reais de Velázquez, que neses anos eran empregados en carteis publicitarios polo Ministerio de Información e Turismo de Manuel Fraga. Fronte á imaxe grandiosa e pintoresca de España que o réxime franquista quería proxectar, Equipo Crónica incidía noutra máis sombría recorrendo á ironía.

Equipo Crónica produciu pinturas a gran formato, xunto con esculturas e gravados seriados. Existen exemplos relevantes deste grupo no IVAM de Valencia e no Museo Raíña Sofía de Madrid.

Véxase tamén

Bibliografía

• Carrassat-Marcadé, Movimientos de la pintura, Spes Editorial, S.L., 2004, páx. 183, ISBN 84-8332-596-9

Ligazóns externas

• Páxina do Equipo Crónica
• Equipo Crónica na Fundación María José Jove (en castelán).
• Equipo Crónica na colección do IVAM
• Obras dixitalizadas do Equipo Crónica na Biblioteca Digital Hispánica da Biblioteca Nacional de España